ព័ត៌មានអន្ដរជាតិ

ហ្វីលីពីននឹងបញ្ជូននាវាជើងទឹកទៅសមុទ្រចិនខាងត្បូងមានជម្លោះដើម្បីការពារដែនទឹករបស់ខ្លួន

បានផុស

៥ years មុន

នៅ

ថ្ងៃអង្គារ ២០ មេសា ២០២១

ដោយ

លោកប្រធានាធិបតីហ្វីលីពីន Rodrigo Duterte បាននិយាយនៅថ្ងៃចន្ទថា លោកបានត្រៀមនាវាកងទ័ពជើងទឹករួចរាល់ហើយដើម្បីបញ្ជូនទៅកាន់សមុទ្រចិនខាងត្បូងដើម្បីការពារអធិបតេយ្យភាពរបស់ខ្លួនដែលជាផ្នែកមានជម្លោះផ្លូវទឹកជាយុទ្ធសាស្ត្រ។

ដោយមានការររិះគន់ខ្លាំងលោក Duterte បានជំរុញដោយទន់ភ្លន់ឲ្យទីក្រុងប៉េកាំងគោរពតាមការសម្រេចរបស់អាជ្ញាកណ្តាល។ លោកមានប្រសាសន៍ថា សាធារណជនអាចត្រូវបានធានាថា លោកនឹងការពារធនធានរបស់ប្រទេសដូចជា ប្រេង និងរ៉ែនៅក្នុងសមុទ្រចិនខាងត្បូង។

លោក Duterte បាននិយាយក្នុងសុន្ទរកថានាពេលយប់ថ្ងៃចន្ទថា ៖«ខ្ញុំមិនចាប់អារម្មណ៍ច្រើនខាងនេសាទទេ។ ខ្ញុំមិនគិតថា មានត្រីគ្រប់គ្រាន់ដើម្បីឈ្លោះប្រកែកគ្នា។ ប៉ុន្តែនៅពេលយើងចាប់ផ្តើមអណ្តូងប្រេង ពេលយើងទទួលបានអ្វីក៏ដោយនៅផ្នែកនៃសមុទ្រចិនគឺប្រេងរបស់យើង ពេលនោះ ខ្ញុំនឹងបញ្ជូននាវាពណ៌ប្រផេះរបស់ខ្ញុំទៅតំបន់របស់យើង»។

លោកមានប្រសាសន៍ទាំងលោកចង់រក្សាមិត្តភាពជាមួយប្រទេសចិនថា ៖«ប្រសិនបើពួកគេខួងប្រេងនៅទីនោះ ខ្ញុំនឹងប្រាប់ចិនថា នោះជាផ្នែកនៃកិច្ចព្រមព្រៀងរបស់យើង? ប្រសិនបើមិនមែនជាផ្នែកនៃកិច្ចព្រមព្រៀងរបស់យើងទេ ខ្ញុំក៏នឹងខួងយកប្រេងនៅទីនោះដែរ»។

លោក Duterte បានព្យាយាមកសាងសម័្ពន្ធភាពជាមួយប្រទេសចិន និងមានការស្ទាក់ស្ទើរដើម្បីប្រឈមនឹងភាពដឹកនាំរបស់ខ្លួន ដែលត្រូវបានសន្យាផ្តល់ប្រាក់កម្ចីរាប់ពាន់លានដុល្លារ និងការវិនិយោគជាច្រើន ដែលភាគច្រើនមិនទាន់សម្រេចជារូបរាងនៅឡើយ។

លោកបាននិយាយដដែលៗថា ប្រទេសហ្វីលីពីនគ្មានអំណាចបញ្ឈប់ចិនបានទេ និងថា ការប្រកួតប្រជែងនឹងសកម្មភាពរបស់ខ្លួនអាចប្រថុយនឹងសង្គ្រាមដែលប្រទេសរបស់លោកនឹងខាតបង់។

មេដឹកនាំភ្លើងទៀនរូបនេះមានប្រសាសន៍ថា គ្មានវិធីណាសម្រាប់ហ្វីលីពីនដើម្បីអនុវត្តដោយគ្មានការបង្ហូរឈាមនូវសេចក្តីសម្រេចរបស់អាជ្ញាកណ្តាលឆ្នាំ២០១៦ដែលបានបញ្ជាក់ថា ប្រទេសហ្វីលីពីនមានសិទ្ធិអធិបតេយ្យភាពនៅក្នុងតំបន់សេដ្ឋកិច្ចផ្តាច់មុខរបស់ខ្លួន។

ស្ថានទូតចិនប្រចាំនៅទីក្រុងម៉ានីល ប្រទេសហ្វីលីពីន មិនអាចទាក់ទងសុំការអត្ថាធិប្បាយបានទេ។

ប្រទេសហ្វីលីពីនបានដាក់ពាក្យបណ្តឹងការទូតជាច្រើនប្រឆាំងនឹងសកម្មភាពរបស់ចិននៅសមុទ្រចិនខាងត្បូង ដែលចុងក្រោយបំផុតបានចោទប្រកាន់ប្រទេសយក្សជិតខាងរបស់ខ្លួនពីការធ្វើនេសាទខុសច្បាប់ និងបានចាប់ទូកជាង២៤០ដែលស្ថិតនៅក្នុងដែនអធិបតេយ្យភាពរបស់ខ្លួន៕

អានបន្ថែម

ហ្វីលីពីន ព្រមានបញ្ឆេះភាពប្រទូសរ៉ាយជាមួយ ចិនពាក់ព័ន្ធ នាវាក្នុងសមុទ្រជម្លោះ

អាមេរិកចេញមុខជួយ ហ្វីលីពីន បើចិនវាយប្រហារពាក់ព័ន្ធនាវាក្នុងសមុទ្រជម្លោះ

ប្រែសម្រួល៖ វីរបុត្រ
ប្រភព៖ reuters

Related Topics:សមុទ្រចិនខាងត្បូង