ព័ត៌មានជាតិ
គិតត្រឹមព្រឹកថ្ងៃទី ៨ មករា មានគ្រឹះស្ថានសិក្សាចំនួន ១១៣ មិនទាន់បើកដំណើរការឡើងវិញនៅឡើយទេ
ក្រសួងអប់រំ យុវជន និងកីឡា បានឱ្យដឹងថា គិតត្រឹមព្រឹកថ្ងៃទី ៨ ខែមករា ឆ្នាំ ២០២៦ នេះ មានគ្រឹះស្ថានសិក្សាចំនួន ១១៣ នៅខេត្តព្រះវិហារ ឧត្តរមានជ័យ ពោធិ៍សាត់ និងខេត្តបន្ទាយមានជ័យ នៅមិនទាន់បានបើកទ្វារនៅឡើយទេ ដោយសារសាលាទាំងនោះរងការខូចខាតដោយសារសង្គ្រាម និងមានគ្រាប់យុទ្ធភណ្ឌមិនទាន់ផ្ទុះរាយប៉ាយដោយសារការឈ្លានពានរបស់យោធាថៃមកលើដែនអធិបតេយ្យកម្ពុជា។
បើតាមក្រសួងមហាផ្ទៃគិតត្រឹមម៉ោង ៦ ព្រឹក ថ្ងៃទី ៨ ខែមករា ឆ្នាំ ២០២៦ នេះ ខេត្តឧត្តរមានជ័យ មានសាលារៀន ២០៣ កន្លែង បានបើកដំណើរការឡើងវិញ ខណៈ សាលារៀន ៥៧ បន្តបិទ ផ្អាក។ ខេត្តបន្ទាយមានជ័យ មានសាលារៀន ៥ បន្តបិទផ្អាក។ ខេត្តព្រះវិហារ មានសាលារៀន ៦១ នៅបន្តបិទផ្អាក ខណៈសាលារៀន ១២ បានបើកដំណើរការឡើងវិញ។
ក្រសួងមហាផ្ទៃបានបន្តថា សង្គ្រាមឈ្លានពានរបស់យោធាសៀមមកលើបូរណភាពដែនដីកម្ពុជាចាប់ពីថ្ងៃទី ៧ រហូតដល់ថ្ងៃទី ២៧ ខែធ្នូ ឆ្នាំ ២០២៥ មានសាលារៀនខូចខាតចំនួន ២៥ សាលា ខណៈកាលពីថ្ងៃទី ២៤ ដល់ថ្ងៃទី ២៨ ខែកក្កដា ឆ្នាំ ២០២៥ មានសាលាខូចខាតចំនួន ៧ សាលាផងដែរ។
គួរបញ្ជាក់ថា គិតត្រឹមព្រឹកថ្ងៃទី ៨ ខែមករា ឆ្នាំ ២០២៦ មានពលរដ្ឋភៀសសឹក ៧.៨៦៦ នាក់បន្ថែមទៀត បានបន្តវិលត្រឡប់ទៅលំនៅឋានវិញ។ ដូច្នេះ មកដល់ពេលនេះ មានពលរដ្ឋភៀសសឹកសរុបប្រមាណ ៤ សែន ៧ ម៉ឺននាក់ បានវិលត្រឡប់ទៅលំនៅឋានវិញ ក្នុងចំណោមពលរដ្ឋភៀសសឹកសរុបជាង ៦ សែន ៤ ម៉ឺននាក់ ខណៈពលរដ្ឋភៀសសឹកចំនួន ១៧៨.៨៩៤ នាក់ ក្នុងនោះ ស្ត្រី ៩៣.៥៣៤ នាក់ និងកុមារ ៥៨.០៩៤ នាក់ បន្តស្នាក់នៅជំរំ៕
អត្ថបទ ៖ សំអឿន
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៤ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១៧ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ១ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៦ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៦ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ