Connect with us

ព័ត៌មានអន្ដរជាតិ

​ពេល​​ចាប់ខ្លួន​ម៉ាឌូរ៉ូ ទាហាន​​វ៉េណេ​ស៊ុយ​អេ​ឡា និងគុយបា​​ជាង​៨០​នាក់​​​ ត្រូវ​បាន​សម្លាប់​​​

បានផុស

នៅ

ទាហាន​​ស្រី្ត​​៩​នាក់​ ​ក្នុង​​ចំណោម​​ទាហាន​​វ៉េ​ណេ​ស៊ុយ​អេឡាចំនួន​​ ៤៧​នាក់​ ​​​ត្រូវ​​បាន​​សម្លាប់​​កាល​​ពី​​ដើម​​ខែ​នេះ នៅ​​ពេល​​ដែល​​សហ​រដ្ឋ​​អា​មេ​រិក​ បាន​​​វាយ​​ប្រហារ​លើ​​រដ្ឋធានី​​កា​រ៉ា​កាស ពីការ​ចាប់​ខ្លួន​ អតីត​ប្រធានាធិបតី លោក នី​កូឡាស ម៉ាឌូរ៉ូ ។ ​នេះ​បើ​តាម​រដ្ឋមន្ត្រី​ការពារ​ជាតិវ៉េណេស៊ុយអេឡា​ លោក Vladimir Padrino Lopez ។

ទាហាន វ៉េណេស៊ុយអេឡា។ Reuters
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បើតាម Al Jazeera រដ្ឋ​មន្ត្រី​ក្រសួង​ការពារ​ជាតិវ៉េណេស៊ុយអេឡា បានថ្លែង​កាល​ពី​ថ្ងៃ​សុក្រ​​ ចំនួន​កង​កម្លាំង​វ៉េណេ​ស៊ុយ​អេឡា​ដែលត្រូវ​​បានសម្លាប់​​​មាន​ការ​​កើនឡើង។ របាយការណ៍រក​ឃើញ​ថា ​អ្នក​ស្លាប់​មាន​​ចំនួន ២៣​នាក់ និងទាហាន​សរុប​ចំនួន​៨៣នាក់​ ត្រូវ​បាន​សម្លាប់​នៅ​ក្នុង​ការ​វាយ​ឆ្មក់ ដោយកង​កម្លាំង​សហរដ្ឋ​អាមេរិក កាល​ពី​ថ្ងៃ​ទី៣ ខែមករា។​

គួរ​ឱ្យ​ដឹង​ផង​ដែរ​ថា ទាហាន​​ដែល​​ត្រូវ​​បាន​​គេ​​សម្លាប់​​ ​រួម​​មាន​​ទាហាន​​គុយ​បា​​ចំនួន ៣២​នាក់ ដែលអ្នក​​ខ្លះ​​ត្រូវ​​បាន​​ចាត់​ឱ្យ​​ទៅការពារ​​ផ្ទាល់​ ឬជាជំនិត​របស់​លោក ម៉ាឌូរ៉ូ ។

លោក Padrino បាន​ថ្លែង​​នៅក្នុងកម្ម​ពិធី​មួយ​ដើម្បី​ គោរព​ដល់​អ្នក​ដែល​ត្រូវ​បាន​សម្លាប់​ក្នុង​ការ​វាយ​ប្រហារ​ថា៖ «តើ​កង​កម្លាំងទាំង​​បុរស និង​ស្ត្រី នៃកង​កម្លាំង​ប្រដាប់​អាវុធជាតិ​ ​Bolivarian National Armed Forces របស់​យើង​ បាន​ធ្វើ​អ្វី​ខ្លះ​ ក្នុង​ការ​តស៊ូ​ប្រយុទ្ធ​ ពី​ការ​ឈ្លាន​ពាន​របស់​យោធាអាមេរិក? ជាការពិត ពួកគេបានលះបង់ជីវិតរបស់ពួកគេ ជាពិសេស​ពួកគេបានផ្តល់កិត្តិយសដល់ប្រវត្តិសាស្ត្រ និងមាតុភូមិ»។  

មិន​តែប៉ុណ្ណោះ​ មនុស្ស​ជាង ១១២នាក់ ​ត្រូវ​បាន​គេ​រាយការណ៍​ថាបាន​រងរបួស​នៅ​ក្នុង​ការ​វាយ​ឆ្មក់​របស់​កង​កម្លាំង​សហ​រដ្ឋ​អាមេរិក​ ដែល​បាន​ចាប់​ផ្តើម​ដោយ​ការ​ទម្លាក់​គ្រាប់​បែកមក​លើ​​គោល​ដៅ​យោធា​ ជាពិសេសទាហាន​អាមេរិក​​ចាប់​ពង្រត់​ លោក ម៉ាឌូរ៉ូ​ និង​ភរិយា​របស់ លោក គឺ​លោក​ស្រី Cilia Flores ពី​លំនៅ​ឋាន​​របស់​ពួកគេ​ក្នុង​ទីក្រុងការ៉ាកាស​៕

ប្រែសម្រួល៖ ណឺ មិនា

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម