សហគ្រាសក្នុងស្រុក ផលិតម្សៅស៊ុប ៣ រសជាតិ ដាក់លក់លើទីផ្សារ ជំនួសឱ្យផលិតផលនាំចូល

សហគ្រាស Khmer Food enterprise សាកល្បងផលិតម្សៅស៊ុបដាក់លក់លើទីផ្សារជំនួសឱ្យផលិតផលថៃ ខណៈប្រជាជនខ្មែរបច្ចុប្បន្នបន្តពហិការទំនិញរបស់ប្រទេសថៃស្ទើរទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ភោគ ហឿង អ្នកគ្រប់គ្រងទូទៅ នៃសហគ្រាស Khmer Food enterprise ប្រាប់កម្ពុជាថ្មីថា សហគ្រាសរបស់អ្នកស្រីនាពេលបច្ចុប្បន្ននេះ កំពុងតែបានដាក់សាកល្បងផលិតម្សៅស៊ុប ចំនួន ៣ រសជាតិ ដើម្បីជំនួសឱ្យផលិត​ផលរបស់ថៃ ខណៈប្រជាជនខ្មែរបន្តរួមគ្នាពហិការទំនិញរបស់ថៃ។

អ្នកស្រីបានជ្រើសរើសវត្ថុធាតុដើមសុទ្ធសឹងតែជាដំណាំរបស់កសិករដែលក្នុងនោះមានដូចជា៖ ម្រេចកំពត ស្លឹកគ្រៃ ខ្ទឹមស ខ្ទឹមក្រហម និងល្ពៅ ពិសេសគឺសាច់មាន់ដែលចិញ្ចឹមដោយកសិដ្ឋានក្នុងស្រុក ដើម្បីធ្វើយ៉ាងណាអាចផលិតម្សៅស៊ុបដែលមានរសជាតិឆ្ងាញ់ និងគុណភាព សម្រាប់ប្រជាជនខ្មែរដែលកំពុងមានតម្រូវម្សៅស៊ុបក្នុងការងារចម្អិនម្ហូបប្រចាំថ្ងៃផងដែរ។

សហគ្រាសរបស់អ្នកស្រីមានសមត្ថភាពផលិតម្សៅស៊ុប ៣ រសជាតិ ដូចជា៖ ម្សៅស៊ុបគ្រប់គ្រឿង ម្សៅអំបិលម្រេចគ្រប់គ្រឿង ភាគច្រើនផលិតទាំងនេះសុទ្ធសឹងតែជំ​នួសឱ្យផលិតផលដែលនាំចូលពីក្រៅប្រទេសទៀតផង។

សហគ្រាសផលិតម្សៅស៊ុប Khmer Food enterprise បានបើកដំណើរកាលពីចុងឆ្នាំ ២០២៥ ស្ថិតនៅ ខណ្ឌកំបូល រាជធានីភ្នំពេញ៕

អត្ថបទ ៖ សួស សិត