កីឡា

ក្លឹបបាល់ទះស្នងការរាជធានីភ្នំពេញ តែមួយប្រកួតនេះទេផ្អាកមិត្តភាពទៀតហើយត្រៀមខ្លួនលេងពានសម្ដេច ក្រឡាហោម

បានផុស

៣ ខែ មុន

នៅ

ថ្ងៃព្រហស្បតិ៍ ២២ មករា ២០២៦

ដោយ

ក្លឹបបាល់ទះដែលកំពុងឡើងកូដ ស្នងការរាជធានីភ្នំពេញ ថានឹងទទួលការប្រកួតមិត្តភាពតែមួយប្រកួតនៅថ្ងៃសៅរ៍ ទី២៤ ខែមករា ឆ្នាំ២០២៦ នេះទៀតទេផ្អាកហើយដើម្បីត្រៀមកម្លាំងឲ្យបានល្អលេងពានរង្វាន់សម្ដេច ក្រឡា ហោម ខាងមុខនេះ។

ក្រុមបាល់ទះស្នងការ

លោក ប្រាក់ សារ៉ាន់ឌី គ្រូជំនួយក្លឹបបាល់ទះស្នងការដ្ឋាននគរបាលរាជធានីភ្នំពេញ បានឲ្យដឹងថា ជាច្រើនខែមកនេះក្លឹបបានទទួល និងចេញប្រកួតមិត្តភាពច្រើនណាស់ដែរហើយ ដូច្នេះល្មមចំពោះការពង្រឹងសមត្ថភាពកែប្រែចំណុចខ្វះខាតរួចរាល់។

លោក ប្រាក់ សារ៉ាន់ឌី (កណ្ដាល)

ក្លឹបធ្វើការប្រកួតមិត្តភាពតែមួយប្រកួតនៅទី២៤ ខែមករា ឆ្នាំ២០២៦ នេះទៀតទេគឺផ្អាកហើយ។ ដោយសារកៀកថ្ងៃលេងពានរង្វាន់សម្ដេច ក្រឡា ហោម ផង និងបារម្ភខ្លាចមានរឿងចៃដន្យណាមួយចំពោះកីឡាករអំឡុងពេលនេះផង។ ហេតុដូចនេះក្លឹបសម្រេចឈប់ធ្វើការប្រកួតមិត្តភាពផ្សេងៗទៀតហើយដើម្បីទុកកម្លាំង និងត្រៀមខ្លួនឲ្យបានល្អដើម្បីការប្រកួតធំខាងលើ។

ក្រុមបាល់ទះស្នងការ

បញ្ជាក់ដែរថា ក្លឹបបាល់ទះស្នងការដ្ឋាននគរបាលរាជធានីភ្នំពេញ នឹងធ្វើការប្រកួតមិត្តភាពជាមួយក្លឹបបាល់ទះនាគ១៨ នៅថ្ងៃសៅរ៍ ទី២៤ ខែមករា ឆ្នាំ២០២៦។ កន្លងទៅប៉ុន្មានខែនេះក្លឹបបាល់ទះស្នងការរាជធានីភ្នំពេញតែងតែធ្វើការប្រកួតមិត្តភាពជាមួយបណ្ដាក្លឹបជាច្រើនដើម្បីពង្រឹងសមត្ថភាពក្រុមរបស់ខ្លួន។ ក្រុមនេះនឹងត្រូវចូលរួមលេងពានរង្វាន់សម្ដេច ក្រឡាហោម នៅអំឡុងថ្ងៃទី៧ ខែកុម្ភៈ ឆ្នាំ២០២៦ ឆាប់ៗនេះហើយ៕

អត្ថបទដោយ៖ នួន ស៊ីណា