Connect with us

កីឡា

គួរឲ្យ​សរសើរ អ្នក​បាត់ដំបង និង​ត្បូងឃ្មុំ ចូល​​ទស្សនា​ផ្ទាល់​សុទ្ធ​តែ​ជាង ៣​ពាន់​នាក់ ម្សិលមិញ

បានផុស

នៅ

កាល​ពី​ថ្ងៃ​ទី​២១ ខែ​មករា ឆ្នាំ ២០២៦ មាន​ការ​ប្រកួត​ចំនួន ៤ គូ​រវាង ក្រុមខ្លាំងនៅ​លីគ​បាល់ទាត់​កំពូល​កម្ពុជា និង​ក្រុម​លំដាប់​ខេត្ត ជើង​ទី១ វគ្គ​១៦​ក្រុម​ចុង​ក្រោយ ពាន​រង្វាន់​សម្តេច​អគ្គមហាសេនាបតី​តេជោ ហ៊ុន សែន លើក​ទី​១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វី​ដែល​គួរ​ឲ្យ​កត់​សំគាល់​មាន​ការ​ប្រកួត​ពីរ​គូ​ដែល​មាន​អ្នក​ទស្សនា​ផ្ទាល់​ច្រើន​មិន​ចាញ់​ការ​ប្រកួត​នៅ​លីគ​បាល់ទាត់​កំពូល​កម្ពុជា​ឡើយ។ ការ​ប្រកួត​រវាង ម្ចាស់​ផ្ទះ បាត់ដំបង យូណៃធីត និង ព្រះ​ខ័ន​រាជ​ស្វាយរៀង មាន​អ្នកទស្សនា​ផ្ទាល់​ច្រើន​ជាង​គេ​បំផុត​រហូត​ដល់ ៣៥៥០​នាក់ នៅ​ទីលាន​បាល់ទាត់​នៃ​សាកល​វិទ្យាល័យ​បាត់ដំបង។

បន្ទាប់​មក​ការ​ប្រកួត​រវាង​ ម្ចាស់​ផ្ទះ​ខេត្ត​ត្បូង​ឃ្មុំ និង ភ្នំពេញក្រោន មាន​អ្នក​ទស្សនា​ផ្ទាល់​រហូត​ដល់ ៣៤៤០​នាក់ នៅ​ទី​លាន​បាល់ទាត់​នៃ​វិទ្យាល័យ ប៊ុនរ៉ានី ហ៊ុនសែន មេមត់។ ពីរ​គូ​ផ្សេង​ទៀត​នៅ​ខេត្ត​សៀមរាប និង​រាជធានី​ភ្នំពេញ មាន​ទស្សនា​ផ្ទាល់​​ជាង​ ៤០០នាក់​ប៉ុណ្ណោះ។

មូលហេតុ​ ២ ដែល​អាច​បណ្តាល​ឲ្យ​អ្នក​ទស្សនា​ផ្ទាល់​ច្រើន​គឺ​ទី១ ប្រជា​ពល​រដ្ឋ​នៅ​មូលដ្ឋាន​ទៅ​គាំទ្រ លើក​ទឹក​ចិត្ត​ដល់​ក្រុម​កីឡាករ​របស់​ខ្លួន​ដែល​ប្រកួត​ជា​មួយ​ក្រុម​ខ្លាំង​មាន​កីឡាករ​អាជីព និង​ទី​២ អ្នក​គាំទ្រ​ចង់​ឃើញ​កីឡាករ​ល្បី​ៗ​ផ្ទាល់​របស់​ក្រុម​នៃ​លីគ​កំពូល​កម្ពុជា ពី​ព្រោះ​ពួក​គេ​ធ្លាប់​តែ​ឃើញ​តាម​ទូរទស្សន៍។ ម្យ៉ាង​វិញ​ទៀត​ ក្រុម​ខ្លាំង​ៗ​ដែល​មាន​កីឡាករ​ល្អ​កម្រ​បាន​ចេញ​ទៅ​ប្រកួត​តាម​ខេត្ត​ណាស់។​

ខាង​ក្រោម​ជា​ស្ថិតិ​អ្នក​ទស្សនា​ផ្ទាល់​ទាំង​ ៤ គូ

  • បាត់ដំបង យូណៃធីត ២-៥ ព្រះ​ខ័ន​រាជ​ស្វាយរៀង មាន​អ្នក​ទស្សនា​ផ្ទាល់ ចំនួន ៣៥៥០ នាក់ នៅ​ទីលាន​សាកល​វិទ្យាល័យ​បាត់ដំបង
  • ខេត្តត្បូងឃ្មុំ ០-៣ ភ្នំពេញក្រោន មាន​អ្នក​ទស្សនាផ្ទាល់ ចំនួន ៣៤៥០​នាក់ នៅ​ទី​លាន​វិទ្យាល័យ ប៊ុនរ៉ានី ហ៊ុនសែន មេមត់
  • ឡាយអ៊ិនឃីង ខេត្តសៀមរាប ០-៩ បឹងកេត មាន​អ្នក​ទស្សនា​ផ្ទាល់​ចំនួន ៤៣០​នាក់ នៅ​កីឡដ្ឋានអាគីហ៊ីរ៉ូកាតុ
  • ភ្នំពេញហ្គាឡាក់ស៊ី ០-១៣ វិសាខា មាន​អ្នក​ទស្សនាផ្ទាល់ ចំនួន ៣៥០​នាក់ នៅ​ទីលាន​វិទ្យាស្ថាន​ជាតិ​អប់រំកាយ និង​កីឡា

អត្ថបទ៖ វិរបុត្រ

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម