ព័ត៌មានអន្ដរជាតិ
ព្យុះព្រិលក្នុងរដ្ឋMaineនៅអាមេរិក បណ្តាលឱ្យធ្លាក់យន្តហោះ១គ្រឿង សម្លាប់មនុស្ស៦នាក់
នាយកអាកាសយានដ្ឋានអន្តរជាតិ Bangor ក្នុងរដ្ឋ Maine របស់សហរដ្ឋអាមេរិក ឱ្យដឹងកាលពីថ្ងៃពុធថា មានមនុស្សចំនួន៦នាក់ស្លាប់ ក្នុងហេតុការណ៍ធ្លាក់យន្តហោះឯកជនមួយ ព្រោះអាកាសធាតុប្រែប្រួលធ្ងន់ធ្ងរពិបាកស្មាន រួមទាំងព្រិលធ្លាក់ខ្លាំង គ្របដណ្តប់កន្លែងកើតហេតុ និងបំណែកដែលយន្តហោះឆេះ។
យោងតាម ABC News, ក្រុមប្រឹក្សាផ្នែកដឹកជញ្ជូនជាតិ និងរដ្ឋបាលអាកាសចរណ៍ បានចូលរួមជាមួយអាជ្ញាធររដ្ឋ និងអាជ្ញាធរមូលដ្ឋាននៅកន្លែងកើតហេតុ ដើម្បីប្រមូលសំឡេងកាប៊ីនយន្តហោះ ជាពិសេសឧបករណ៍ថតទិន្នន័យសម្រាប់ធ្វើការវិភាគ។ ការិយាល័យពិនិត្យសុខភាពរបស់រដ្ឋក៏មានវត្តមាននៅទីនោះដែរ ដើម្បីយកសាកសពជនរងគ្រោះចេញ និងកំណត់អត្តសញ្ញាណពួកគេជាផ្លូវការ។
លោក Jose Saavedra ជានាយកអាកាសយានដ្ឋានអន្តរជាតិ Bangor បាននិយាយថា អាកាសយានដ្ឋាននឹងនៅតែបន្តបិទ រហូតដល់ម៉ោង៩ព្រឹក ថ្ងៃព្រហស្បតិ៍។
គួរឱ្យដឹងថា យន្តហោះប្រណីតដែលធ្វើដំណើរទៅទីក្រុងប៉ារីស បានឈប់ចាក់ប្រេង ចំពេលមានព្រិលធ្លាក់តិចៗ ខ្យល់បក់ស្រាល និងសីតុណ្ហភាពចុះត្រជាក់ជិតសូន្យ ខណៈដែលព្យុះដ៏ធំបានចាប់ផ្តើមមកដល់ទីក្រុង Bangor រដ្ឋ Maine កាលពីយប់ថ្ងៃអាទិត្យ។
មិនតែប៉ុណ្ណោះ ព្រិលចាប់ផ្តើមធ្លាក់ដ៏ក្រាស់ឃ្មឹកដល់កម្ពស់ប្រហែល ២៤.១៣សង់ទីម៉ែត្រ ប៉ុន្តែព្រិលចាប់ផ្តើមធ្លាក់ នៅពេលយន្តហោះធ្លាក់ហើយប៉ុណ្ណោះ។
លោក Saavedra បាននិយាយថា យន្តហោះម៉ាក Bombardier Challenger ៦០០ បានឆ្លងកាត់ការពិនិត្យ តាមស្តង់ដាររួចហើយ មុនពេលហោះចាកចេញពីព្រលាន។
តែយ៉ាងណា អាកាសយានដ្ឋានមិនបានឆ្លើយសំណួរ ពីពេលវេលាដែលយន្តហោះត្រូវបានពិនិត្យ និងរយៈពេលនៃការពិនិត្យ ដែលរំពឹងថា នឹងល្អសម្រាប់ការហោះហើរឡើងវិញនៅឡើយទេ។
ក្នុងចំណោមជនរងគ្រោះមានអ្នករៀបចំផែនការសម្រាប់ជើងហោះហើរចំនួន៥នាក់ និងអ្នកបើកយន្តហោះម្នាក់ផងដែរ។
គ្រួសាររបស់អ្នកបើកយន្តហោះឱ្យដឹងថា កូនប្រុសគាត់ ឈ្មោះ Jacob Hosmer អាយុ ៤៧ ឆ្នាំ បានស្លាប់ក្នុងករណីនេះ ប៉ុន្តែគ្រួសារបដិសេធមិនធ្វើអត្ថាធិប្បាយទេ៕
ប្រែសម្រួល៖ ណឺ មិនា
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង