អគ្គិភ័យឆេះចម្ការតាង៉ែនលើផ្ទៃដីពីរហិកតា ដោយសារត្រាក់ទ័រកាត់ស្មៅ

ដើមតាង៉ែនចំនួន ៣៥២ដើម ត្រូវបានខូចខាតទាំងស្រុង បន្ទាប់ពីមានគ្រោះអគ្គិភ័យមួយបានកើតឡើងនៅលើដីចម្ការចំនួនពីរហិកតា ហើយត្រូវបានកម្លាំងសមត្ថកិច្ចបាញ់ពន្លត់ និងទប់ស្កាត់ទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីថ្ងៃទី១០ ខែកុម្ភៈ ឆ្នាំ២០២៦ វេលាម៉ោង ១៤និង៣០នាទី នៅចំណុចភូមិបឹងអំពិល ឃុំស្តៅ ស្រុករតនមណ្ឌល ខេត្តបាត់ដំបង ដែលម្ចាស់ចម្ការមានឈ្មោះ រឿន សុវណ្ណារ៉ាន ភេទប្រុស អាយុ ៤០ឆ្នាំ រស់នៅត្រង់ចំណុចកើតហេតុខាងលើ។

ភ្លាមៗនោះដែរក្រោយពីទទួលបានសេចក្តីរាយការណ៍រួចមក លោកវរសេនីយ៍ទោ ផាន់ ឡុង អធិការរងទទួលបន្ទុកដឹកនាំការងារផ្នែកសណ្ដាប់ធ្នាប់សាធារណ: បានដឹកនាំកម្លាំងជំនាញផ្នែក និងកម្លាំងអន្តរាគមន៍នៃអធិការដ្ឋាន សហការជាមួយកម្លាំងប៉ុស្តិ៍នគរបាលរដ្ឋបាលស្ដៅសរុបចំនួន ០៨នាក់ ចុះជួយពន្លត់ករណីអគ្គិភ័យដែលឆាបឆេះចំការមៀនប៉ៃលិន(តាង៉ែន) រហូតគ្រប់គ្រងស្ថានការបានទាំងស្រុង។ ករណីខាងលើនេះបណ្ដាលឲ្យខូចខាតឆេះដើមតាង៉ែនអស់ចំនួន ៣៥២ដើម លើផ្ទៃដីទំហំចំនួន០២ហិកតា បន្ទាប់ពីកម្លាំងជំនាញធ្វើការស្រាវជ្រាវទើបដឹងថា មូលហេតុបណ្ដាលមកពីត្រាក់ទ័រភ្ជាប់ម៉ាស៊ីនកាត់ស្មៅកាត់ប៉ះចំដុំថ្មបែកផ្កាភ្លើងបណ្ដាលអោយឆេះ ស្មៅងាប់ៗតែម្តង៕

អត្ថបទ៖ សោ និយមរ័ត្ន