ព័ត៌មានអន្ដរជាតិ

ស៊ុយអែតនឹងចូលរួមបេសកកម្មនៅអាក់ទិក មានទាំងយន្តហោះចម្បាំង និងអ្នករាយការណ៍ពិសេស

បានផុស

២ ខែ មុន

នៅ

ថ្ងៃសុក្រ ១៣ កុម្ភៈ ២០២៦

ដោយ

ស៊ុយអែតនឹងល្បាតលើដែនអាកាសក្នុងបេសកកម្មតំបន់អាក់ទិក មានទាំងយន្តហោះចម្បាំង និងបញ្ជូនអ្នករត់ការពិសេសទៅធ្វើសមយុទ្ធនៅកោះ Greenland ជាមួយអង្គការណាតូ។ នេះជាការចូលរួមចំណែកផ្នែកយោធាចុងក្រោយរបស់អឺរ៉ុប ដើម្បីឆ្លើយតបទៅនឹងការលើកឡើងរបស់លោក ដូណាល់ ត្រាំ នៅលើ Greenland ។

នាយករដ្ឋមន្ត្រីស៊ុយអែត លោក Ulf Kristersson ។ Reuters

យោងតាមរ៉យទ័រ ចុះផ្សាយថ្ងៃទី១២ ខែកុម្ភៈ ឱ្យដឹងថា អង្គការណាតូបាននិយាយកាលពីថ្ងៃពុធថា ខ្លួននឹងចាប់ផ្តើមបេសកកម្ម ដើម្បីពង្រឹងសមត្ថភាពក្នុងតំបន់អាក់ទិក ជាកិច្ចខិតខំប្រឹងប្រែង លុបបំបាត់ភាពតានតឹងជាមួយសម្ព័ន្ធមិត្ត។

លើសពីនេះ បើគ្មានការចូលរួមរបស់អឺរ៉ុប ក្នុងការពារតំបន់អាក់ទិកទេ សហរដ្ឋអាមេរិកនឹងទិញយក Greenland ពីប្រទេសដាណឺម៉ាក នេះជាការលើកឡើងដដែលៗរបស់ លោក ដូណាល់ ត្រាំ។

នាយករដ្ឋមន្ត្រីស៊ុយអែត លោក Ulf Kristersson បានថ្លែងក្នុងសេចក្តីថ្លែងការណ៍មួយថា៖ « ការធ្វើបែបនេះ ដើម្បីពង្រឹងការរារាំងពីសត្រូវ ការពារផលប្រយោជន៍រួមរបស់យើង និងរួមចំណែកដល់ស្ថិរភាពក្នុងតំបន់ គឺមានសារៈសំខាន់សម្រាប់អឺរ៉ុប និងកិច្ចសហប្រតិបត្តិការឆ្លងដែនអាត្លង់ទិក»។

លោកបានបន្ថែមថា៖ « ដំបូងស៊ុយអែតនឹងរួមចំណែកដល់បេសកកម្មនៅតំបន់អាក់ទិក (Arctic Sentry ) មានទាំងយន្តហោះចម្បាំងម៉ាក JAS ៣៩ Gripen នៅក្នុងតំបន់ជុំវិញ Iceland និង Greenland»។

លើសពីនេះ យោធាស៊ុយអែតបានលើកឡើងនៅក្នុងសេចក្តីថ្លែងការណ៍ដាច់ដោយឡែកមួយទៀតថា ចំនួនទាហានស៊ុយអែតដែលមិនទាន់កំណត់ថាឱ្យចូលរួមឬអត់ ក៏នឹងមានវត្តមាននៅលើដែនដី Greenland ផងដែរ។

កងកម្លាំងប្រដាប់អាវុធបានបន្តថា៖ « កងកម្លាំងទ័ពអាកាសស៊ុយអែត ទាំងក្រុម Rangers និង Army Rangers នឹងចូលរួមធ្វើសមយុទ្ធនៅលើកោះ Greenland ក្នុងរយៈពេលពីរបីសប្តាហ៍ខាងមុខ»៕

ប្រែសម្រួល៖ ណឺ មិនា