ព័ត៌មានអន្ដរជាតិ

គាំងជណ្តើរយន្តនៅ Tokyo Skytree ដ៏ល្បីល្បាញ មនុស្ស២០នាក់ ជាប់ជាង៥ម៉ោង

បានផុស

២ ខែ មុន

នៅ

ថ្ងៃចន្ទ ២៣ កុម្ភៈ ២០២៦

ដោយ

ប៉ូលិសមូលដ្ឋានបានឱ្យដឹងថាជណ្តើរយន្ត(ត្រក) ដ៏ធំមួយគ្រឿង (Tokyo Skytree) ដែលជាទីតាំងទាក់ទាញភ្ញៀវទេសចរដ៏ពេញនិយមរបស់ប្រទេសជប៉ុន បានឈប់មួយកន្លែងនៅកម្ពស់ប្រហែល៣០ម៉ែត្រពីលើដី ដោយជាប់គាំងផ្នែកខាងក្នុង នៅយប់ថ្ងៃទី២២ ខែកុម្ភៈ។

Tokyo Skytree របស់ជប៉ុន។ រូបភាព៖ Tokyo Skytree

យោងតាម THE JAPAN NEWS ចុះផ្សាយថ្ងៃទី ២៣ ខែកុម្ភៈ ឱ្យដឹងថាបន្ទាប់ពីជាប់គាំងក្នុងជណ្តើរយន្តអស់រយៈពេល ៥ម៉ោងកន្លះ បុរស និងស្ត្រីចំនួន ២០នាក់ រួមទាំងកុមារពីរនាក់ត្រូវបានជួយសង្គ្រោះ តែពួកគេគ្មានរបួសអ្វីឡើយ។

យោងតាមក្រុមហ៊ុនប្រតិបត្តិការ ជណ្តើរយន្តពីរក្នុងចំណោមបួនដែលភ្ជាប់ទៅជាន់ទី៤ នៃ Tembo Deck ជាកន្លែងសម្រាប់ភ្ញៀវទេសចរអាចមើលទេសភាពមានរយៈកម្ពស់ ៣៥០ម៉ែត្រពីដី បានឈប់មួយកន្លែងភ្លាមៗ។

គួរឱ្យដឹងថាជណ្តើរយន្តមួយក្នុងចំណោមជណ្តើរយន្តទាំងនោះ គ្មានមនុស្សបើកទេ ខណៈអ្នកដំណើរឋិតនៅលើជណ្តើរយន្តផ្សេងទៀត កំពុងចុះមកក្រោម។

ដោយសារតែការរំខានបែបនេះ មនុស្សសរុបប្រហែល ១ ២០០នាក់បានជាប់គាំងបណ្ដោះអាសន្ននៅលើជណ្តើរយន្តកំពូល Tembo Deck និង Tembo Galleria ដែលមានកម្ពស់ ៤៥០ម៉ែត្រពីដី។

យ៉ាងណា ក្រុមហ៊ុនប្រតិបត្តិការរបស់ Tokyo Skytree បានឆ្លើយតបថា៖ « ប៉មនេះ ដែលមានទីតាំងនៅក្នុងតំបន់ Sumida ទីក្រុងតូក្យូ នឹងត្រូវបិទជាបណ្ដោះអាសន្ននៅថ្ងៃទី២៣ ខែកុម្ភៈ ដើម្បីត្រួតពិនិត្យពីសុវត្ថិភាព។

ក្រុមហ៊ុនបន្តទៀតថាចំពោះអ្នកដែលបានទិញសំបុត្ររួចហើយសម្រាប់ថ្ងៃបិទជាបណ្តោះអាសន្ននឹងទទួលសងប្រាក់ត្រឡប់វិញ៕

ប្រែសម្រួល៖ ណឺ មិនា