ព័ត៌មានអន្ដរជាតិ

ព័ត៌មានរុស្ស៊ី RT និងអ៊ីរ៉ង់ថា ការអះអាងរបស់ ត្រាំ អំពីការស្លាប់មេដឹកនាំអ៊ីរ៉ង់«គ្មានមូលដ្ឋាន»

បានផុស

៣ ខែ មុន

នៅ

ថ្ងៃអាទិត្យ ១ មីនា ២០២៦

ដោយ

ទន្ទឹមគ្នានៃការផ្សាយអំពីមរណភាពរបស់មេដឹកនាំអ៊ីរ៉ង់ គឺអាចារ្យ អាយ៉ាតូឡា អាលី ខាមេណៃ (Ayatollah Ali Khamenei) បណ្តាញផ្សព្វផ្សាយរបស់អ៊ីរ៉ង់ ក៏ដូចជាការផ្សាយបន្តរបស់សារព័ត៌មានរុស្ស៊ី បានច្រានចោល «ការអះអាងរបស់ប្រធានាធិបតី ត្រាំ» ថា «គ្មានមូលដ្ឋាន» នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន RT របស់រុស្ស៊ី ដោយបានស្រង់ការចេញផ្សាយរបស់ Fars news របស់អ៊ីរ៉ង់ បានលើកឡើងថា ការអះអាងតាមបណ្តាញសង្គម របស់ប្រធានាធិបតីសហរដ្ឋអាមេរិក លោក ដូណាល់ ត្រាំ អំពីប្រតិបត្តិការយោធានៅប្រទេសអ៊ីរ៉ង់ បានសម្លាប់មេដឹកនាំសាសនាអ៊ីរ៉ង់នោះ គឺ គ្មានមូលដ្ឋាន សោះតែម្តង។

លើសពីនេះ ការផ្សាយនោះ បានចាត់ទុកការអះអាងនិងការផ្សព្វផ្សាយអំពីការស្លាប់នោះ ថាជា«ប្រតិបត្តិការឃោសនាចិត្តសាស្ត្រច្រើនជាង» (Mostly psychological operation)។

នៅមុនការចែកចាយព័ត៌មានតាមបណ្តាញសង្គម Truth Social របស់ប្រធានាធិបតី ដូណាល់ ត្រាំ រដ្ឋមន្ត្រីការបរទេសអ៊ីរ៉ង់ លោក Abbas Araghchi បានអះអាងប្រាប់បណ្តាញសារព័ត៌មានលោកខាងលិចជាច្រើនថា មេដឹកនាំសាសនាកំពូលអ៊ីរ៉ង់ Ayatollah Ali Khamenei និងប្រធានាធិបតី អ៊ីរ៉ង់ លោក Masoud Pezeshkian បានសុវត្ថិភាព និងមានសុខភាពល្អ។

ប៉ុន្តែនៅក្នុងការចែកចាយវិដេអូខ្លីអំពីប្រធានាធិបតីអ៊ីស្រាអែល លោក បេនចាមីន នីតាន់ញ៉ាហ៊ូ បានបញ្ជាក់ថា ផ្អែកតាមប្រភពវាយតម្លៃជាច្រើន មេដឹកនាំកំពូលអ៊ីរ៉ង់របស់អ៊ីរ៉ង់ គឺបានស្លាប់ហើយ។

យ៉ាងណាក៏ដោយ ព័ត៌មាននៃការស្លាប់របស់មេដឹកនាំកំពូលរបស់អ៊ីរ៉ង់នេះស្ថិតនៅក្នុងភាពមិនច្បាស់លាស់នៅឡើយ រវាងការផ្សព្វផ្សាយលោកខាងលិច និង ស្ថានភាពនៅមជ្ឈិមបូព៌ា ជាពិសេសពិស្ថាប័នផ្សព្វផ្សាយអឺរ៉ង់ និងសម្ព័ន្ធមិត្តរបស់អ៊ីរ៉ង់ មានរុស្ស៊ីជាដើម៕

រ៉ាន់ រើយ