ខេត្តមណ្ឌលគិរី បើកការប្រកួតកីឡាវាយសីស្វែងរកជើងឯកភូមិភាគឦសាន លើកទី៤

រដ្ឋបាលខេត្តមណ្ឌលគិរីបានរៀបចំព្រឹត្តិការណ៍ប្រកួតកីឡាវាយសី កម្រិតមហាជនភូមិភាគឦសាន ពានរង្វាន់លោក ថង សាវុន អភិបាល លើកទី៤ ដោយមានការចូលរួមយ៉ាងច្រើនពីកីឡាករ និងកីឡាការិនី។

---

ពិធីបើកនេះបានប្រារព្ធនាថ្ងៃទី១ ខែមីនា ឆ្នាំ ២០២៦នេះ ក្រោមវត្តមានលោក ម៉ែន ផល្លីន នាយករងរដ្ឋបាលសាលាខេត្ត លោក ស៊ាន សឿន ប្រធានមន្ទីរទេសចរណ៍ខេត្ត រួមជាមួយកីឡាករ និងកីឡាការិនីជាច្រើនរូបផងដែរ។

---

លោក ម៉ែន ផល្លីន បានលើកឡើងថា នេះជាលើកទី៤ហើយដែលរដ្ឋបាលខេត្ត រៀបចំឱ្យមានពិធីប្រកួតវាយសីកម្រិតមហាជនជ្រើសរើសជើងឯកភូមិភាគឦសាន ដណ្ដើមពានរង្វាន់លោក ថង សាវុន អភិបាលខេត្តមណ្ឌលគិរី។

គោលបំណងសំខាន់នៃការបង្កើតការប្រកួតពានរង្វាន់នេះឡើង គឺដើម្បីជំរុញវិស័យកីឡាវាយសីឱ្យកាន់តែមានសកម្មភាពផុលផុស បង្កើតសមត្ថភាព ផ្លាស់ប្តូបទពិសោធន៍ រឹតចំណង់មិត្តភាព សាមគ្គីភាព រវាងយុវជនតំបន់ភូមិភាគឦសាន ស្របតាមពាក្យស្លោក «កីឡារស់សន្តិភាព» ក្រោមការដឹកនាំរបស់រាជរដ្ឋាភិបាលកម្ពុជា ផងដែរ។

លោកបញ្ជាក់ថា កីឡាករ កីឡាការិនី ដែលចូលរួមប្រកួតនៅពេលនេះមានចំនួន៦ក្រុម ស្មើ ៩២ នាក់។ ជាងនេះទៅទៀត លោកក៏បានជម្រុញដល់កីឡាករ កីឡការិនីគ្រប់រូប ធ្វើយ៉ាងណាព្យាយាមប្រឹងប្រែងប្រកួតឱ្យពីសមត្ថភាព ដណ្ដើមជ័យលាភី និងបន្តលើកកម្ពស់វិស័យកីឡាក្នុងតំបន់ភូមិភាគឦសានឱ្យកាន់តែរីកចម្រើនបន្ថែមទៀត៕

---

---

---

---

អត្ថបទ ៖ រៀម សុខហេង

---