កីឡា

កីឡាហាប់គីដូ ត្រូវបាននាយកដ្ឋានប្រឆាំងបទល្មើសបច្ចេកវិទ្យាជ្រើសរើសយកទៅបង្ហាត់ដល់មន្ត្រីជំនាញ

បានផុស

៤ ខែ មុន

នៅ

ថ្ងៃអង្គារ ៣ មីនា ២០២៦

ដោយ

កីឡាហាប់គីដូ ដែលគេដឹងថាជាប្រភេទកីឡាដែលសំបូរក្បាច់ស្នៀតពិសេសក្បាច់ចាប់ឃ្លេ និងផ្ដួលជាដើមនោះត្រូវបាននាយកដ្ឋានប្រឆាំងបទល្មើលសបច្ចេកវិទ្យាបានជ្រើសរើសយកទៅបង្ហាត់មន្ត្រីដើម្បីពង្រឹងសមត្ថភាព និងយកទៅអនុវត្តន៍អំឡុងចុះប្រតិបត្តិការផ្សេងៗជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពវគ្គបណ្ដុះបណ្ដាល

លោកឧត្តមសេនីយ៍ទោ ហេង សំណាង អញ្ចើញចូលរួមជាតំណាងនាយកដ្ឋានប្រឆាំងបទល្មើសបច្ចេកវិទ្យា បានលើកឡើងថា វគ្គបណ្ដុះបណ្ដាលរបស់នាយកដ្ឋានប្រឆាំបទល្មើសនេះជាផែនការ និងជាការយកចិត្តទុកដាក់របស់ថ្នាក់ដឹកនាំលើកិច្ចការស្នូលរបស់មន្ត្រីជំនាញនៅពេលចុះយកមុខសញ្ញា។ ស្របពេលកំពុងមានប្រតិបត្តិការប្រឆាំបទល្មើសអនឡាន (Online Scams) បែបនេះរឹតតែត្រូវចំពេលវេលាតែម្ដងដែលមន្ត្រីបានឆ្លងកាត់វគ្គបណ្ដុះបណ្ដាលក្បាច់គុននាពេលកន្លង។

ទិដ្ឋភាពវគ្គបណ្ដុះបណ្ដាល

ការបណ្ដុះបណ្ដាលដល់មន្ត្រីនាយកដ្ឋាននេះគឺផ្ដោតលើបច្ចេកទេសចុះយកមុខសញ្ញាដោយសមស្របទៅតាមក្បាច់ស្នៀតនៃកីឡាហាប់គីដូធ្វើឲ្យការចុះអនុវត្តន៍កាន់តែមានភាពងាយស្រួល និងមិនសូវប្រឈមហានិភ័យផ្សេងៗ។ មួយវិញទៀតការចុះទៅប្រតិបត្តិការផ្សេងៗនោះគឺត្រឹមតែចុះនាំយកនូវមុខសញ្ញាប៉ុណ្ណោះមិនមែនឈានទៅដល់ការវាយលុកយកទីតាំង ឬកម្ទេចដែលមានលក្ខណៈទ្រុងទ្រាយធំនោះឡើយ ដូច្នេះហើយកីឡាហាប់គីដូនេះលក្ខណៈស័ក្តិសមបំផុត។

ទិដ្ឋភាពវគ្គបណ្ដុះបណ្ដាល

បញ្ជាក់ដែរថា សហព័ន្ធខ្មែរកីឡាហាប់គីដូបានសហការជាមួយនាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការដ្ឋាននគរបាលជាតិ រៀបចំពិធីប្រគល់វិញ្ញាបនបត្រដល់សិក្ខាកាមជាកងកម្លាំងចំនួន ២៥នាក់ក្រោយបានបញ្ចប់វគ្គហ្វឹកហាត់ “ក្បាច់គុនហាប់គីដូ” រយះពេល ២០ម៉ោង។ ពិធីបិទបញ្ចប់វគ្គ និងប្រគល់វិញ្ញាបនបត្រនេះបានធ្វើឡើងកាលពីព្រឹកថ្ងៃទី២៨ ខែកុម្ភៈ ឆ្នាំ២០២៦ នៅទីលានហ្វឹកហាត់របស់សហព័ន្ធហាប់គីដូក្នុងពហុកីឡដ្ឋានជាតិ។ ក្នុងពិធីនោះផងដែរមានការអញ្ជើញចូលរួមពីលោក គួច ហុងជៀក ប្រធានសហព័ន្ធស្ដីទី លោកឧត្តមសេនីយ៍ទោ ហេង សំណាង និងសិក្ខាកាមជាច្រើននាក់ផងដែរ៕