ព័ត៌មានអន្ដរជាតិ
អ៊ីរ៉ង់ប្រកាសសន្យាធានាសុវត្ថិភាពជូនពលរដ្ឋចិន
រដ្ឋមន្ត្រីការបរទេសអ៊ីរ៉ង់ លោក Abbas Araghchi បានធ្វើការពិភាក្សាតាមទូរសព្ទយ៉ាងបន្ទាន់ជាមួយសមភាគីចិន លោក Wang Yi កាលពីថ្ងៃចន្ទទី២ខែមីនាឆ្នាំ២០២៦ អំពីសង្គ្រាមដែលបង្កឡើងដោយសហរដ្ឋអាមេរិក និងអ៊ីស្រាអែល។
តាមការផ្សាយរបស់ Al Jazeera លោក Araghchi បានសន្យាថា ទីក្រុងតេហេរ៉ង់នឹងធ្វើឲ្យអស់ពីសមត្ថភាពដើម្បីធានាសុវត្ថិភាពដល់បុគ្គលិក និងស្ថាប័ននានារបស់ចិននៅក្នុងប្រទេសអ៊ីរ៉ង់។ លោកបានរិះគន់ទីក្រុងវ៉ាស៊ីនតោន ចំពោះការបើកការវាយប្រហារ ទោះបីជាមានវឌ្ឍនភាពវិជ្ជមាន ក្នុងការចរចានាពេលថ្មីៗនេះ ដែលកាលនោះកិច្ចព្រមព្រៀងសន្តិភាពត្រូវបានគេរាយការណ៍ថាជិតសម្រេចបានទៅហើយតែប៉ុន្មានម៉ោងមុនការវាយប្រហារបានចាប់ផ្តើមកាលពីថ្ងៃសៅរ៍។
ជាការឆ្លើយតប លោក Wang Yi បានបញ្ជាក់ជាថ្មីថា ប្រទេសចិនគាំទ្រអ៊ីរ៉ង់ក្នុងការការពារអធិបតេយ្យភាព និងសេចក្តីថ្លៃថ្នូរជាតិរបស់ខ្លួន។ ទីក្រុងប៉េកាំងបានជំរុញជាផ្លូវការឲ្យសហរដ្ឋអាមេរិក និងអ៊ីស្រាអែល បញ្ឈប់សកម្មភាពយោធាជាបន្ទាន់ ដើម្បីការពារកុំឲ្យជម្លោះរីករាលដាលពេញតំបន់មជ្ឈិមបូព៌ា។ ការគាំទ្រផ្នែកការទូតនេះ បានបង្ហាញពីទំនាក់ទំនងយ៉ាងស៊ីជម្រៅរវាងប្រទេសទាំងពីរ ដែលត្រូវបានចងភ្ជាប់ដោយកិច្ចព្រមព្រៀងយុទ្ធសាស្ត្ររយៈពេល ២៥ឆ្នាំ ដែលចុះហត្ថលេខាកាលពីឆ្នាំ២០២១។
ប្រទេសចិននៅតែជាខ្សែជីវិតសេដ្ឋកិច្ចដ៏សំខាន់សម្រាប់អ៊ីរ៉ង់ ជាពិសេសនៅពេលដែលប្រេងជាង ៨០% ដែលអ៊ីរ៉ង់បានដឹកជញ្ជូនក្នុងឆ្នាំ២០២៥ គឺមានគោលដៅទៅកាន់ទីផ្សារចិន។ ក្នុងនាមជាដៃគូយុទ្ធសាស្ត្រគ្រប់ជ្រុងជ្រោយ ទីក្រុងប៉េកាំងធ្លាប់បានជួយបញ្ចប់ភាពឯកោរបស់ទីក្រុងតេហេរ៉ង់ តាមរយៈការសម្របសម្រួលឲ្យចូលជាសមាជិក BRICS+ និងអង្គការសហប្រតិបត្តិការសៀងហៃ។ លោក Araghchi បានសម្តែងក្តីសង្ឃឹមថា ប្រទេសចិននឹងដើរតួនាទីយ៉ាងសំខាន់ក្នុងការទប់ស្កាត់ការរីករាលដាលនៃជម្លោះក្នុងតំបន់ ខណៈដែលអ៊ីរ៉ង់ត្រូវតែការពារខ្លួនទោះតាមរបៀប
ណាក៏ដោយ៕
ប្រែសម្រួល៖ ឈាង
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ២ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ១៩ ម៉ោង agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ