ល្ងាចនេះនឹងរកឃើញក្រុមខ្លាំង ២ ឡើងវគ្គពាក់កណ្តាលផ្តាច់ព្រ័ត្រពានសម្តេចតេជោ

នៅថ្ងៃ ពុធ ទី ១១ ខែ មីនា ឆ្នាំ ២០២៦ នេះ មាន ២ គូទៀត ត្រូវជួបគ្នាជើងទី ២ វគ្គ ៨ ក្រុមចុងក្រោយពានរង្វាន់សម្តេចអគ្គមហាសេនាបតីតេជោ ហ៊ុន សែន លើក​ទី​១៩ ថ្នាក់ជាតិ រដូវកាល ២០២៥-២០២៦ ដើម្បីសម្រេចរកក្រុមខ្លាំង ២ ឡើងទៅកាន់វគ្គពាក់កណ្តាលផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូទី ១ ក្រុម បឹងកេត នឹងត្រូវបើកទ្វាពហុកីឡដ្ឋានជាតិអូឡាំពិកទទួលស្វាគមន៍ក្រុមភ្ញៀវ កងយោធពលខេមរភូមិន្ទ វេលាម៉ោង ៦ ល្ងាច។ ចំណែកមួយគូទៀត ក្រុម វិសាខា ត្រូវបើកទ្វាកីឡដ្ឋានរបស់ខ្លួនទទួលស្វាគមន៍ក្រុម ណាហ្គាវើលដ៍ វេលាម៉ោង ៦ ល្ងាចដូចគ្នា។

គួរបញ្ជាក់ផងដែរ ថា ការប្រកួតវគ្គ ៨ ក្រុមចុងក្រោយ កាលពីជើងទី ១ កន្លងទៅ ក្រុម កងយោធពលខេមរភូមិន្ទ បានចាញ់ក្រុម បឹងកេត ០-២។ ដោយឡែកក្រុម ណាហ្គាវើលដ៍ បានស្មើគ្នានឹងក្រុម វិសាខា ២-២។

កាលវិភាគប្រកួតវគ្គ ៨ ក្រុមចុងក្រោយពានសម្តេចតេជោ ថ្ងៃទី ១១ ខែ មីនា ឆ្នាំ ២០២៦ នេះ៖

• បឹងកេត vs ក្រុមកងយោធពលខេមរភូមិន្ទ ម៉ោង ៦ ល្ងាច
• វិសាខា vs ណាហ្គាវើលដ៍ ម៉ោង ៦ ល្ងាច

អត្ថបទ៖ សេម កុសល