ព័ត៌មានអន្ដរជាតិ

អ៊ីរ៉ង់ថាខ្លួនបានបើកការវាយប្រហារសងសឹកដ៏ខ្លាំងពេញមួយយប់ លើគោលដៅអាមេរិក និងអ៊ីស្រាអែល

បានផុស

៣ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

កងឆ្មាំបដិវត្តន៍អ៊ីរ៉ង់ (IRGC) បានអះអាងថា ខ្លួនបានចាប់ផ្តើមប្រតិបត្តិការដ៏ខ្លាំងក្លា និងធ្ងន់បំផុតពេញមួយយប់ទៅគោលដៅមូលដ្ឋានទ័ពនិងទ្រព្យសម្បត្តិរបស់សហរដ្ឋអាមេរិកនិងអ៊ីស្រាអែល។ នេះបើយោងតាមប្រព័ន្ធផ្សព្វផ្សាយរដ្ឋអ៊ីរ៉ង់។

យោងតាម ABC ផ្សាយកាលពីថ្ងៃទី១១ ខែមីនា ឆ្នាំ ២០២៦ រលកនៃការវាយប្រហារដែលអ៊ីរ៉ង់ដែលបានលើកឡើង មានគោលបំណងដៅលើគោលដៅសហរដ្ឋអាមេរិក និងអ៊ីស្រាអែល រួមមានការបាញ់មីស៊ីលប្រហែល៣ម៉ោង មានទាំងមីស៊ីលម៉ាក «Khorramshahr» ជាប្រភេទមីស៊ីលបាលីស្ទិកផ្លោងរយៈចម្ងាយមធ្យមផងដែរ។

មីស៊ីលបាលីស្ទិករបស់អ៊ីរ៉ង់។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំង IRGC ប្រាប់ប្រព័ន្ធផ្សព្វផ្សាយរដ្ឋអ៊ីរ៉ង់ថា៖ «យើងបន្តអនុវត្តការវាយប្រហារជាបន្តបន្ទាប់របស់យើងដោយមានគោលបំណង និងអំណាចក្នុងការបន្តសង្គ្រាម ធ្វើយ៉ាងណាឱ្យសត្រូវចុះចាញ់ទាំងស្រុង។ យើងនឹងបញ្ចប់សង្គ្រាមនៅពេលដែលស្រមោលនៃសង្គ្រាមត្រូវបានដកចេញពីប្រទេស»។

ចំណែកកងកម្លាំងការពារជាតិអ៊ីស្រាអែលនិយាយលើប្រព័ន្ធផ្សព្វផ្សាយសង្គមថា ខ្លួនបានរកឃើញមីស៊ីលបាញ់ចេញពីអ៊ីរ៉ង់ឆ្ពោះទៅអ៊ីស្រាអែល យ៉ាងណាប្រព័ន្ធការពារប្រទេសអ៊ីស្រាអែលកំពុងតតាំងបំផ្លាញមីស៊ីលទាំងនោះ។

មិនតែប៉ុណ្ណោះ ក្រសួងការពារជាតិទាំងអារ៉ាប់រួមនិងបារ៉ែន បានព្រមានប្រជាជននៅព្រឹកថ្ងៃពុធ ថាការគំរាមកំហែងនានាគឺអាចកើតមាន។

អាជ្ញាធរអារ៉ាប់រួមបង្ហោះលើប្រព័ន្ធផ្សព្វផ្សាយសង្គមថា៖ « ក្រសួងការពារជាតិអះអាងថាសំឡេងដែលឮគឺជាលទ្ធផលនៃការស្ទាក់ចាប់មីស៊ីល និងយន្តហោះគ្មានមនុស្សបើករបស់ប្រព័ន្ធការពារដែនអាកាសអារ៉ាប់»៕

ប្រែសម្រួល៖ ណឺ មិនា