កីឡា

លោក Oleg ភ្នំពេញក្រោនយប់មិញធ្វើបានល្អហើយ ប៉ុន្តែខ្វះសំណាងបន្តិច

បានផុស

១ ខែ មុន

នៅ

ថ្ងៃសុក្រ ១៣ មីនា ២០២៦

ដោយ

លោក Oleg Starinsky ដែលជាគ្រូបង្វឹករបស់ក្រុមបាល់ទាត់ភ្នំពេញក្រោន ថាការប្រកួតយប់មិញគឺកូនក្រុមលេងបាល្អទាំងឆន្ទៈប្រកួត និងការគ្រប់គ្រងបាល់ ប៉ុន្តែនៅខ្វះសំណាងបន្តិចយ៉ាងបើបន្តល្អដូចនេះអាចនឹងឈ្នះពាន CPL នៅចុងរដូវកាល។

លោក Oleg Starinsky

គ្រូបង្វឹកក្រុមបាល់ទាត់ភ្នំពេញក្រោន លោក Oleg Starinsky បានឲ្យដឹងថា កូនក្រុមលោកយប់មិញគឺលេងបានល្អ និងបង្ហាញពីឆន្ទៈខ្ពស់ចំពោះការប្រកួតមួយនេះពិសេសនៅវគ្គទី១ សឹងតែល្អអត់ខ្ចោះទៅហើយ។ ប៉ុន្តែការប្រកួតមួយនេះភ្នំពេញក្រោនដូចជានៅខ្វះសំណាងបើទោះជាមានទម្រង់លេងល្អក៏ដោយក្ដី។

លោក Oleg ជឿជាក់ថាប្រសិនកូនក្រុមបន្តលេងទម្រង់ល្អដូចយប់មិញនេះគឺអាចនឹងឈ្នះពានរង្វាន់លីគកំពូលកម្ពុជា (CPL) នៅចុងរដូវកាលនេះ។ ហេតុនេះហើយកីឡាករត្រូវបន្តខំប្រឹងប្រែងតទៅទៀតដើម្បីអាចឈានទៅទទួលបានភាពជោគជ័យនៅចុងរដូវកាល។

ការប្រកួតយប់មិញ

បញ្ជាក់ដែរថា បញ្ចប់ការប្រកួតទាំងពីរជើងវគ្គ ៨ក្រុមនៃពានរង្វាន់ AFC Challenge League រវាងក្រុមព្រះខ័នរាជស្វាយរៀង និងភ្នំពេញក្រោន គឺក្រុមមកពីខេត្តស្វាយរៀងជាអ្នកឡើងទៅជុំបន្តវគ្គពាក់កណ្ដាលផ្ដាច់ព្រ័ត្រ។ លទ្ធផលការប្រកួតមិញនេះព្រះខ័នរាជស្វាយរៀងយកឈ្នះដោយលទ្ធផល ២-១ និងសរុបទាំងពីរជើង ៦-២ នៃវគ្គជម្រុះ ៨ក្រុម AFC Challenge League ៕