អាជ្ញាធរខណ្ឌសែនសុខ សហការជាមួយមន្ទីរសាធារណការរាជធានី ដាក់រថយន្តបូមស្តារ និងកាយសំរាមចេញពីរីហ្គាលូ

អាជ្ញាធរខណ្ឌសែនសុខ បានសហការជាមួយមន្ទីរសាធារណការរាជធានីភ្នំពេញ បានដាក់រថយន្តបូមស្តារ និងកាយសំរាមចេញពីរីហ្គាលូ និងសំអាតដីតាមប្រព័ន្ធលូ ផ្លូវបេតុងប្របសាលាបឋមសិក្សា ប៊ុន រ៉ានីហ៊ុនសែន សាម្គី ស្តិតក្នុងភូមិដំណាក់ សង្កាត់គោកឃ្លាង​ ខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឱ្យដឹងថា​ ការដាក់រថយន្ដបូមស្ដារ និងសំអាតនេះ គឺក្រោយមានភ្លៀងធ្លាក់នៅតំបន់មួយចំនួនរងការដក់ទឹក​ ធ្វើឲ្យចរន្តទឹកក្នុងប្រព័ន្ធលូហូរយឺត​ ស្ទះទៅដោយសំរាម​ និងដី​ ទើបក្រុមការងាររដ្ឋបាលខណ្ឌសែនសុខ សហការជាមួយមន្ទីរសាធារណការរាជធានីភ្នំពេញ ដាក់រថយន្តធ្វើការបូមស្តារ និងកាយសំរាមចេញពីរីហ្គាលូ និងសំអាតដីតាមប្រព័ន្ធលូដើម្បីសម្រួលដល់ការធ្វើដំណើរជូនប្រជាពលរដ្ឋឆ្លងកាត់​។

អាជ្ញាធរបន្តថា​ ការបូមស្តារ​ និងសំអាតសំរាមចេញពីរឺហ្គាលូខាងលេីនេះ គឺប្រេីរយៈពេល០៣ថ្ងៃ ចាប់ពីថ្ងៃទី១៨ ដល់ថ្ងៃទី២០ ខែមីនា ឆ្នាំ២០២៦​។ អាជ្ញាធរអំពាវនាវដល់បងប្អូនទាំងអស់មេត្តាវិចខ្ចប់ទុកដាក់សំរាមឱ្យបានត្រឹមត្រូវ​ ក្នុងធុងសំរាមដែលអាជ្ញាធរបានដាក់តាមគោលដៅនីមួយៗ៕

អត្ថបទ៖ សុខា