ព័ត៌មានអន្ដរជាតិ
រុស្ស៊ីបាញ់បង្ហោះផ្កាយរណប Rassvet ទៅទីអវកាស ដែលនឹងប្រជែងជាមួយ Starlink របស់ Elon Musk
ក្រុមហ៊ុនអវកាសរុស្ស៊ី Bureau 1440 បានបាញ់បង្ហោះផ្កាយរណបគន្លងទាបដំបូងសម្រាប់ទិន្នន័យអ៊ីនធឺណិតសកល ដោយជោគជ័យ នៅក្នុងគម្រោង Rassvet ដែលជាសញ្ញាមួយបង្ហាញពីមហិច្ឆតារបស់ខ្លួនក្នុងការបង្កើតដៃគូប្រកួតប្រជែងដោយផ្ទាល់ជាមួយ SpaceX និងបណ្តាញ Starlink របស់មហាសេដ្ឋីអាមេរិក លោក Elon Musk។
យោងតាមកាសែត Kommersant ផ្កាយរណបចំនួន១៦ ដែលបង្កើតឡើងដោយក្រុមហ៊ុនអវកាស Bureau 1440 ត្រូវបានបាញ់បង្ហោះចូលទៅក្នុងលំហអាកាសកាលពីល្ងាចថ្ងៃទី ២៣ មីនា។ ទាំងនេះគឺជា «បំណែក» ដំបូងនៅក្នុងផែនការសាងសង់ក្រុមផ្កាយរណបទ្រង់ទ្រាយធំមួយ ដើម្បីផ្តល់ទិន្នន័យអ៊ីនធឺណិតល្បឿនលឿននៅទូទាំងប្រទេសរុស្ស៊ី។
ដំបូងឡើយ ផ្កាយរណបទាំងនេះត្រូវបានគេរំពឹងថា នឹងត្រូវបានបាញ់បង្ហោះចាប់ពីចុងឆ្នាំមុនឯណោះ ប៉ុន្តែត្រូវបានពន្យារពេលរហូតដល់ខែនេះ។ បន្ទាប់ពីចូលទៅក្នុងគន្លងតារាវិថី ឧបករណ៍ទាំងនេះនឹងឆ្លងកាត់ដំណាក់កាលសាកល្បងមុនពេលផ្លាស់ទីទៅកាន់ទីតាំងប្រតិបត្តិការផ្លូវការរបស់ពួកគេ។
ចំពោះគម្រោង Rassvet ត្រូវបានរចនាឡើងជាជម្រើសក្នុងស្រុកជំនួសក្រុមហ៊ុន Starlink ដែលជាប្រព័ន្ធអ៊ីនធឺណិតផ្កាយរណបសកលដែលបង្កើតឡើងដោយមហាសេដ្ឋីអាមេរិក លោក Elon Musk។ ទោះយ៉ាងណា គោលដៅរបស់រុស្ស៊ីមិនត្រឹមតែពង្រីកហេដ្ឋារចនាសម្ព័ន្ធអ៊ីនធឺណិតនៅតំបន់ដាច់ស្រយាលប៉ុណ្ណោះទេ ប៉ុន្តែថែមទាំងកាត់បន្ថយការពឹងផ្អែកលើសេវាកម្មបច្ចេកវិទ្យារបស់បស្ចឹមប្រទេស នៅក្នុងបរិបទនៃការប្រកួតប្រជែងភូមិសាស្ត្រនយោបាយកាន់តែខ្លាំងឡើង។
លោក Dmitry Bakanov ប្រធានទីភ្នាក់ងារអវកាសរុស្ស៊ី Roscosmos បានបញ្ចាក់ថា បណ្តាញ Rassvet ត្រូវបានគេរំពឹងថា នឹងមានផ្កាយរណបជាង ៩០០គ្រឿងនៅឆ្នាំ ២០៣៥។ ក្នុងនោះ ប្រតិបត្តិការពាណិជ្ជកម្មអាចចាប់ផ្តើមនៅដើមឆ្នាំក្រោយ នៅពេលដែលផ្កាយរណបប្រហែល ២៥០គ្រឿងត្រូវបានដាក់ពង្រាយឲ្យដំណើរការ។
គម្រោងនេះទទួលបានការគាំទ្រផ្នែកហិរញ្ញវត្ថុយ៉ាងច្រើនពីរដ្ឋាភិបាលរុស្ស៊ី ដោយមានថវិកាប្រហែល ១.២៦ ពាន់លានដុល្លារ ខណៈ Bureau 1440 តែឯងក៏ត្រូវបានគេរំពឹងថា នឹងវិនិយោគបន្ថែមចំនួន ៤ពាន់លានដុល្លារ នៅឆ្នាំ ២០៣០។
ទោះជាយ៉ាងណាក៏ដោយ ការបាញ់បង្ហោះផ្កាយរណបដំបូងជាផ្លូវការរបស់រុស្ស៊ី បានបង្ហាញថា ការប្រណាំងប្រជែងអ៊ីនធឺណិតពីលំហអាកាសកំពុងចូលដល់ដំណាក់កាលថ្មីមួយ ដែលមហាអំណាចមិនត្រឹមតែប្រកួតប្រជែងនៅលើដីប៉ុណ្ណោះទេ ប៉ុន្តែថែមទាំងពង្រីកទៅកាន់គន្លងតារាវិថីផងដែរ៕
អត្ថបទ៖ សាង ស្រីល័ក្ខ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង