សេដ្ឋកិច្ច

ការបើកទទួលចុះឈ្មោះសម្រាប់បេសកកម្មសេដ្ឋកិច្ចនៃអង្គការហ្វ្រង់កូហ្វូនី នៅតំបន់អាហ្រ្វិកខាងកើតចាប់ពីថ្ងៃទី០៦ ដល់ថ្ងៃទី០៨ ខែតុលា ឆ្នាំ២០២៦ នៅប្រទេស ជីប៊ូទី

បានផុស

១ ខែ មុន

នៅ

ថ្ងៃព្រហស្បតិ៍ ២៦ មីនា ២០២៦

ដោយ

បន្ទាប់ពីបានរៀបចំកម្មវិធីចំនួន ៦ លើកដោយជោគជ័យនៅក្នុងតំបន់និយាយភាសាបារាំងផ្សេងៗគ្នារួចមក អង្គការអន្តរជាតិហ្វ្រង់កូហ្វូនី (OIF) បន្តការប្តេ‍ជ្ញាចិត្តរបស់ខ្លួន ក្នុងការគាំទ្រដល់សេដ្ឋកិច្ចនៃប្រទេសដែលនិយាយភាសាបារាំងដ៏មានសក្តានុពល និងរួបរួមតែមួយ ដោយរៀបចំ និងសហការជាមួយអាជ្ញាធរជីប៊ូទី នូវបេសសកម្មសេដ្ឋកិច្ចថ្មីមួយនៃប្រទេសនិយាយភាសាបារាំង ចាប់ពីថ្ងៃទី០៦ ដល់ថ្ងៃទី០៨ ខែតុលា ឆ្នាំ២០២៦ នៅប្រទេសជីប៊ូទី (Djibouti)។

ការផ្តួចផ្តើមនេះ ប្រារព្ធឡើងក្នុងគោលបំណងពង្រឹងការដោះដូរពាណិជ្ជកម្មរវាងរដ្ឋ និងរដ្ឋាភិបាលដែលជាសមាជិក និងរួមចំណែកដល់ការរៀបចំគម្រោងជារួម និងបង្កើនភាពជាដៃគូប្រកបដោយចីរភាពរវាងអ្នកដែលជាតួអង្គសេដ្ឋកិច្ចរបស់ប្រទេសនិយាយភាសាបារាំង នៅក្នុងវិស័យដែលមានសក្តានុពលខ្ពស់ដើម្បីការផ្លាស់ប្តូរ និងការបង្កើតការងារ ជាពិសេសសម្រាប់យុវជន និងស្រ្តី។

នៅក្នុងឆ្នាំនេះ អង្គការអន្តរជាតិហ្វ្រង់កូហ្វូនី សូមស្នើទៅក្រុមហ៊ុនដែលនិយាយភាសាបារាំង ហើយជាអ្នកកំពុងស្វែងរកដៃគូក្នុងការបង្កើនទីផ្សារអន្តរជាតិ ចូលមកអភិវឌ្ឍ និងសម្រេចឱ្យបានជាមួយគ្នានូវភាពជាដៃគូពាណិជ្ជកម្មនៅប្រទេសជី‍ប៊ូទី ដែលជាទីតាំងប្រសព្វនៃផ្លូវសមុទ្រអន្តរជាតិដ៏សំខាន់ដែលតភ្ជាប់ អាហ្រ្វិក មជ្ឈិមបូព៌ា អាស៊ី និង អឺរ៉ុប ហើយក៏ជាច្រកចូលទៅកាន់ទីផ្សារក្នុងតំបន់អាហ្រ្វិកខាងកើត ដែលមានប្រជាជនប្រមាណ ៦០០ លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេសកម្មសេដ្ឋកិច្ចនឹងផ្តោតសំខាន់ទៅលើវិស័យចំនួនប្រាំ ដែលរដ្ឋាភិបាលជីប៊ូទីយកចិត្តទុកដាក់ខ្លាំងនៅក្នុងយុទ្ធសាស្រ្តអភិវឌ្ឍន៍ជាតិរបស់ខ្លួនដែលមានដូចជា៖ ការដឹកជញ្ជូននិងភស្តុភារកម្មដែលពាក់ព័ន្ធនឹងតំបន់សេដ្ឋកិច្ចពិសេស សេវាកម្មឌីជីថល ថាមពលកកើតឡើងវិញ សុខាភិបាល និងទេសចរណ៍ប្រកបដោយចីរភាព។

ក្រុមហ៊ុនដែលចូលរួមនៅក្នុងកម្មវិធីនេះនឹងទទួលបាននូវរបៀបវារៈមួយ ដែលរៀបចំឡើងឱ្យមានការជួបជុំជាពិសេសនូវជំនួបតាមផែនគោលដៅជាមួយនឹងថ្នាក់ដឹកនាំជាន់ខ្ពស់ក្នុងវិស័យសាធារណៈ និងឯកជន ការផ្គូផ្គងពាណិជ្ជកម្មប្រភេទអាជីវកម្មទៅអាជីវកម្ម (B2B) ដែលបានរៀបចំដោយមានការណែនាំពីអ្នកជំនាញ ព្រមទាំងដំណើរទស្សនកិច្ចទៅកាន់បណ្ដាទីតាំងមួយចំនួនដែលមានសារសំខាន់ខាងយុទ្ធសាស្រ្តអភិវឌ្ឍន៍ផងដែរ។

រាល់ក្រុមហ៊ុនដែលបានអញ្ជើញមកពីរដ្ឋ និងរដ្ឋាភិបាលជាសមាជិក សមាជិកស្ថាបនិក ឬអ្នកសង្កេតការណ៍របស់អង្គការអន្តរជាតិហ្វ្រង់កូហ្វូនី ដែលមានសមាសភាពច្រើនជាងគេក្នុងការធ្វើធុរកិច្ចអន្តរជាតិ និងមានប្រតិបត្តិការក្នុងវិស័យគោល‍ដៅមួយ ឬច្រើនក្នុងចំណោមវិស័យទាំងប្រាំ អាចដាក់ពាក្យស្នើសុំរបស់ខ្លួនរហូតដល់ថ្ងៃទី១៧ ខែមេសា ឆ្នាំ‍២០២៦ តាមរយៈគេហទំព័រ៖ https://missions-economiques.djibouti.francophonie.org/fr

[សេ្កន QR]