កីឡា

លោក វ៉ាត់ ចំរើន វិស័យកីឡាក្រៅពីជួយកិត្យានុភាពជាតិហើយនោះមួយផ្នែកក៏បានជួយដល់សេចកិច្ចសង្គម

បានផុស

៣ ខែ មុន

នៅ

ថ្ងៃសុក្រ ២៧ មីនា ២០២៦

ដោយ

លោក វ៉ាត់ ចំរើន អគ្គលេខាធិការជាតិ នៃគណៈកម្មាធិការជាតិអូឡាំពិកកម្ពុជា ថាវិស័យកីឡាក្រៅពីផ្ដល់សុភាពសាធារណៈកិត្យានុភាពជាតិហើយនោះ មួយផ្នែកទៀតក៏បានចូលរួមជួយដល់សេចកិច្ចសង្គមជាតិផងដែរតាមរយៈការចូលរួមកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន

ថ្លែងនៅទីស្នាក់ការ NOCC លោក វ៉ាត់ ចំរើន បានឲ្យដឹងថា វិស័យកីឡាមិនត្រឹមតែលើកកិត្យានុភាពមុខមាត់ប្រទេសជាតិនោះទេ ពោលក៏ជាផ្នែកមួយជួយដល់សេចកិច្ចក្នុងប្រព័ន្ធផង និងក្រៅប្រព័ន្ធផង។ ក្នុងព្រឹត្តិការណ៍ធំម្ដងៗបានស្រូបទាញអ្នកចូលរួមរាប់ពាន់រាប់ម៉ឺននាក់ឯណោះ។

ថ្នាក់ដឹកនាំកីឡារូបនេះបន្ថែមទៀតថា ដូចបានមើលឃើញអីចឹងដែររាល់ការចូលរួមព្រឹត្តិការណ៍កីឡាផ្សេងៗនោះគឺទាក់ទងទៅហ្នឹងខាងធុរកិច្ច ទាក់ទងខាងផ្នែកទេសចរណ៍ និងអាជីវកម្មផងដែរ។ ហេតុនេះហើយគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា បន្តខំប្រឹងធ្វើយុទ្ធសាស្ត្រ និងជំរុញដល់ការអនុវត្តន៍សុខភាពសាធារណៈនេះឲ្យបានកាន់តែច្រើនថែមទៀត។

ព្រឹត្តិការណ៍កីឡាកន្លងទៅ

បញ្ជាក់ដែរថា បច្ចុប្បន្ននេះចលនាកីឡានៅកម្ពុជាមានការផុលផុសខ្លាំង និងមានសាធារណៈជនចាប់អារម្មណ៍លេងច្រើនតែម្ដងពិសេសនៅរាជធានីភ្នំពេញ។ ព្រឹត្តិការណ៍កីឡាតូច-ធំ មានអ្នកចូលរួមច្រើនទៅៗពិសេសទិវាពាក់កណ្ដាលម៉ារ៉ាតុងអន្តរជាតិនៅខេត្តព្រះសីហនុមានរហូតដល់ ១៥០០០នាក់ឯណោះ៕