ព័ត៌មានអន្ដរជាតិ

ប្រធានសភាអ៊ីរ៉ង់៖ ត្រាំកំពុងអូសទាញជនជាតិអាមេរិក «ចូលឋាននរក»

បានផុស

៣ ខែ មុន

នៅ

ថ្ងៃចន្ទ ៦ មេសា ២០២៦

ដោយ

ប្រធានសភាអ៊ីរ៉ង់ លោក Mohammad Baqer Qalibaf បានលើកឡើងជាការឆ្លើយតបទៅនឹងឱសានវាទលើច្រកសមុទ្រ Hormuz ថា សង្គ្រាមរបស់ប្រធានាធិបតីអាមេរិក ដូណាល់ ត្រាំ ជាមួយអ៊ីរ៉ង់ កំពុងធ្វើឲ្យជីវិតជនជាតិអាមេរិកដ៏សាមញ្ញកាន់តែអាក្រក់ទៅៗដូច «ចូលទៅក្នុងឋាននរក»។ នេះបើយោងតាមទីភ្នាក់ងារសារព័ត៌មាន RT ចុះផ្សាយនៅថ្ងៃទី៦ មេសា។

**ប្រធានសភាអ៊ីរ៉ង់ លោក Mohammad Baqer Qalibaf (រូបភាព៖Reuters)**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះនូវពាក្យអសុរោះមួយនៅលើបណ្ដាញសង្គម Truth Social កាលពីថ្ងៃអាទិត្យ លោកត្រាំ បានព្រមានថា អ៊ីរ៉ង់នឹង «រស់នៅក្នុងនរក» លុះត្រាតែ ផ្លូវទឹកដ៏សំខាន់នេះត្រូវបានបើកឡើងវិញសម្រាប់ការដឹកជញ្ជូននៅថ្ងៃអង្គារ។ លោកក៏បាននិយាយម្តងទៀតអំពីការគំរាមកំហែង ក្នុងការទម្លាក់គ្រាប់បែករោងចក្រថាមពល និងស្ពានរបស់អ៊ីរ៉ង់។

ជាការឆ្លើយតបនៅលើបណ្ដាញសង្គម X ប៉ុន្មានម៉ោងក្រោយលោកត្រាំបង្ហោះ លោក Qalibaf បានជំរុញឲ្យមេដឹកនាំអាមរិក បញ្ចប់អ្វីដែលលោកពិពណ៌នាថាជា «ល្បែងគ្រោះថ្នាក់» ដោយសរសេរសំដៅទៅលើនាយករដ្ឋមន្ត្រីអ៊ីស្រាអែលព្រមគ្នាថា« ចលនាមិនប្រុងប្រយ័ត្នរបស់អ្នកកំពុងអូសទាញអាមេរិកចូលទៅក្នុងឋាននរកដ៏រស់រវើកសម្រាប់គ្រួសារនីមួយៗ ហើយតំបន់ទាំងមូលរបស់យើងនឹងត្រូវឆេះដោយសារតែអ្នកទទូចឲ្យធ្វើតាមបញ្ជារបស់លោក Netanyahu »។

មន្ត្រីអ៊ីរ៉ង់រូបនេះបានសង្កត់ធ្ងន់ទៀតថា «កុំយល់ច្រឡំ អ្នកនឹងមិនទទួលបានអ្វីតាមរយៈឧក្រិដ្ឋកម្មសង្គ្រាមនោះទេ»

ដោយឡែក លោក Mikhail Ulyanov បេសកជនរបស់រុស្ស៊ីប្រចាំអង្គការអន្តរជាតិនៅទីក្រុងវីយែន បាននិយាយថា ទីក្រុងវ៉ាស៊ីនតោនមិនយល់ថា ទីក្រុងតេហេរ៉ង់នឹងទទួលយកតែកិច្ចព្រមព្រៀងដែលផ្អែកលើ «ការសម្របសម្រួលសមហេតុផល» មិនមែនជាឱសានវាទទេ៕

អត្ថបទ៖ សាង ស្រីល័ក្ខ