ព័ត៌មានជាតិ

កាលថ្ងៃសុក្រ លោក ត្រាំ សន្យាបើកច្រក Hormuz ដោយគ្មានអ៊ីរ៉ង់ ប៉ុន្តែនៅថ្ងៃអាទិត្យ បញ្ជាឲ្យបិទខ្ទប់ទាំងស្រុង

បានផុស

២ សប្តាហ៍ មុន

នៅ

ថ្ងៃចន្ទ ១៣ មេសា ២០២៦

ដោយ

ជម្លោះរវាងសហរដ្ឋអាមេរិកនិងអ៊ីរ៉ង់ចុងក្រោយក្តៅបំផុតគឺនៅ ច្រកហូរមូស (Hormuz) ដែលជាចំណុចឆ្លងកាត់នៃនាវាដឹកប្រេងចេញពីតំបន់មជ្ឈិមបូព៌ាទៅកាន់ទីផ្សារសកលលោក បន្ទាប់ពីអ៊ីរ៉ង់និងសហរដ្ឋអាមេរិកបានបរាជ័យក្នុងការព្រមព្រៀងគ្នាក្នុងការចរចាមិនផ្ទាល់មុខនៅប្រទេសប៉ាគីស្ថាន។

ការប្រែប្រួលដ៏ឆាប់រហ័សនៃការសម្រេចរបស់ប្រទេសធិបតីសហរដ្ឋអាមេរិក ដូណាល់ ត្រាំ ក្នុងជម្លោះជាមួយអ៊ីរ៉ង់ ដែលធ្វើឲ្យមានភាពតានតឹងទូទាំងមជ្ឈិមបូព៌ា និងស្ទើរជុំវិញសកលលោក នាពេលចុងក្រោយនេះ គឺ លោក ដូណាល់ ត្រាំ បានបញ្ជាឲ្យកងទ័ពជើងទឹកអាមេរិក បិទច្រកហូរមូសទាំងស្រុង។

កាលពីថ្ងៃសុក្រទី១០មេសា ពោលគឺ១ថ្ងៃមុនការចរចាជាមួយអ៊ីរ៉ងនៅទីក្រុងអ៊ីស្លាម៉ាបាដ ប្រទេសប៉ាគីស្ថាន ប្រធានាធិបតីអាមេរិក លោក ដូណាល់ ត្រាំ បានសន្យាថា «នឹងបើក» ច្រកសមុទ្រ Hormuz ឡើងវិញ «ដោយមាន ឬគ្មាន» កិច្ចសហប្រតិបត្តិការរបស់អ៊ីរ៉ង់ ហើយថា អាទិភាពចម្បងរបស់លោកនៅក្នុងកិច្ចចរចាសន្តិភាពគឺធានាទីក្រុងតេហេរ៉ង់មិនអាចមានអាវុធនុយក្លេអ៊ែរបានទេ។

យោងតាមទីភ្នាក់ងារសារព័ត៌មាន reuters. លោកត្រាំ និយាយកាលពីពេលនោះថា៖«យើងនឹងបើកឈូងសមុទ្រឡើងវិញ ដោយមាន ឬគ្មានពួកគេ ឬច្រកសមុទ្រដូចដែលពួកគេហៅវា។ ខ្ញុំគិតថា វានឹងដំណើរការយ៉ាងលឿន ហើយប្រសិនបើ វាមិនដំណើរការទេ យើងនឹងអាចបញ្ចប់វាបាន។ ហេតុដូច្នេះ យើងនឹងបើកវាឆាប់ៗនេះ»។

អត្ថបទ៖ សាង ស្រីល័ក្ខ