កីឡា

នេះជាអ្វីដែលអ្នកគាំទ្រចង់ដឹងពីលោក Indra ឈ្នះជាបន្តបន្ទាប់បែបនេះសង្ឃឹមប៉ុន្មានភាគរយការពារពានតេជោលីគបាន

បានផុស

២ ខែ មុន

នៅ

ថ្ងៃពុធ ២០ ឧសភា ២០២៦

ដោយ

បន្ទាប់ពីឈ្នះការប្រកួតជាបន្តបន្ទាប់ និងបង្ហាញទម្រង់លេងបែបកាចៗកន្លងទៅនេះគ្រូបង្វឹករបស់ក្រុមបាល់ទះបញ្ជាការដ្ឋានអង្គរក្ស ថាលោកមិនទាន់អាចនិយាយពីក្ដីសង្ឃឹមប៉ុន្មានភាគរយអាចការពារពានតេជោលីគ រដូវកាលទី៣ ឆ្នាំ២០២៦ នាពេលឥលូវនេះបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Indra (ខាងស្ដាំ)

លោក Indra ដែលជាគ្រូបង្វឹកក្រុមបាល់ទះបញ្ជាការដ្ឋានអង្គរក្សបានឲ្យដឹងថា បើទោះជាក្រុមរបស់លោកឈ្នះជាបន្តបន្ទាប់ និងមើលឃើញពីទម្រង់លេងរបស់ក្រុមទាំង ៧ដទៃទៀតក៏ដោយនៅតែមិនទាន់អាចនិយាយបានថាសង្ឃឺមបានប៉ុន្មានភាគរយអាចការពារពានរង្វាន់តេជោលីគបាននោះទេនាពេលឥលូវនេះ។

ការលើកឡើងបែបនេះលោកចង់បញ្ជាក់ថា រង់ចាំមើលរហូតដល់បញ្ចប់ជុំទី១ និងការប្រែប្រួលកីឡាករនៅតាមក្រុមនិមួយៗសិនទើបលោកហ៊ាននិយាយថាសង្ឃឹមប៉ុន្មានភាគរយដែលនឹងអាចការពារពានតេជោលីគនៅរដូវកាលទី៣ ឆ្នាំ២០២៦ នេះបាន។ នៅពេលខាងមុខ ឬជុំទី២ ក្រុមរបស់លោកក៏មិនទាន់ច្បាស់ថានឹងនាំយកកីឡាកររូបណាមកជួយក្រុមបន្ថែមទៀតដែរ ព្រោះចាំមើលពីចំណុចខ្វះខាតផ្សេងៗសិនទើបឈានការជ្រើសរើសបន្ថែម ឬយ៉ាងណា។ ក្រុមដទៃក៏នឹងអាចមានការប្រែប្រួលដូចគ្នាផងដែរ។

បញ្ជាក់ដែរថា ក្រុមបាល់ទះបញ្ជាការដ្ឋានអង្គរក្សជាជើងឯកឆ្នាំចាស់ ២រដូវកាលជាប់ៗគ្នាហើយ នៃពានរង្វាន់តេជោលីគនេះ។ បច្ចុប្បន្ននេះក្រុមមានមូលដ្ឋានមកពីក្រុងតាខ្មៅមួយនេះកំពុងបង្ហាញទម្រង់លេងយ៉ាងល្អ និងមិនទាន់ស្គាល់ពាក្យថាចាញ់នោះឡើយនៅ ៤ប្រកួតកន្លងទៅនេះ។ ថ្ងៃទី១៩ ឧសភា ២០២៦ ម្សិលមិញនេះយកឈ្នះលើក្រុមសមាគមបាល់ទះក្រសួងមហាផ្ទៃ ដោយលទ្ធផល ៣-១ ទៀតផង៕

អត្ថបទដោយ៖ នួន ស៊ីណា