មន្ទីរពេទ្យមិត្តភាពខ្មែរ-សូវៀត ផ្តល់ជូនការពិនិត្យ ព្យាបាល និងវះកាត់ជំងឺភ្នែក ដោយឥតគិតថ្លៃ

មន្ទីរពេទ្យមិត្តភាពខ្មែរ-សូវៀត បានចេញសេចក្តីជូនដំណឹង នារសៀលថ្ងៃទី០២ ខែមិថុនា ឆ្នាំ២០២៦ តាមទំព័រហ្វេសប៊ុកថា ផ្នែកចក្ខុរោគនៃមន្ទីរពេទ្យមិត្តភាពខ្មែរ-សូវៀត ដែលគាំទ្រដោយមូលនិធិហ្វ្រេដហូឡូ នឹងផ្តល់ជូន ការពិនិត្យ ព្យាបាល និងវះកាត់ជំងឺភ្នែក ជូនពលរដ្ឋដោយឥតគិតថ្លៃ ចំនួន ៤ថ្ងៃខុសៗគ្នា ក្នុងខែមិថុនានេះ។

ប្រភពដដែល បញ្ជាក់ថា ការពិនិត្យ ព្យាបាល និងវះកាត់ជំងឺភ្នែកឥតគិតថ្លៃនេះ សម្រាប់ប្រជាពលរដ្ឋដែលពុំមានបណ្ណទ្រទ្រង់សុខភាពផ្សេងៗ។ សម្រាប់ ប្រជាពលរដ្ឋដែលមានបណ្ណទ្រទ្រង់សុខភាពផ្សេងៗ រាល់ការចំណាយលើសេវាពិនិត្យ ព្យាបាល និងវះកាត់ជាបន្ទុករបស់ភាគីទូទាត់។

ចំពោះកាលបរិច្ឆេទពិនិត្យ ព្យាបាល គឺធ្វើនៅថ្ងៃទី៣ ខែមិថុនា ឆ្នាំ២០២៦, ថ្ងៃទី១០ ខែមិថុនា ឆ្នាំ២០២៦, ថ្ងៃទី១៧ ខែមិថុនា ឆ្នាំ២០២៦ និងថ្ងៃទី២៤ ខែមិថុនា ឆ្នាំ២០២៦។ សម្រាប់ព័ត៌មានបន្ថែម ពលរដ្ឋអាចនាក់នងតាមលេខទូរសព្ទ ០៩២ ៩៨២ ៥៣២៕