កីឡា

លោក ហែម គីរី សហព័ន្ធពិនិត្យមើលលទ្ធភាពរៀបចំកម្មវិធីផ្សេងៗនៅអាងទឹកខេត្តបាត់ដំបងដើម្បីឲ្យមហាជនស្គាល់ និងគាំទ្រកាន់តែខ្លាំង

បានផុស

៣ នាទី មុន

នៅ

ថ្ងៃអង្គារ ១៦ មិថុនា ២០២៦

ដោយ

លោក ហែម គីរី ថានៅពេលនេះផងដែរសហព័ន្ធកំពុងជជែក និងពិនិត្យលើលទ្ធភាពដើម្បីបង្កើតកម្មវិធីប្រកួតនៅអាងទឹកខេត្តបាត់ដំបង និងប្រម៉ូតផ្សព្វផ្សាយបន្ថែមទៀតដើម្បីឲ្យមហាជនស្គាល់កាន់តែច្រើន និងមានការគាំទ្រកាន់តែខ្លាំងថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម គីរី

អគ្គលេខាធិការសហព័ន្ធខ្មែរកីឡាហែលទឹក លោក ហែម គីរី បានឲ្យដឹងថា ចំពោះអាងទឹកខេត្តបាត់ដំបងនេះគឺមានសកម្មភាព និងការហ្វឹកហាត់ជាយូរមកហើយនៅទីនោះ។ ពោលមានគ្រូដែលបានបញ្ជូនពីភ្នំពេញទៅផង និងសហព័ន្ធបានសហការជាមួយមន្ទីរអប់រំ យុវជន និងកីឡា ខេត្តបាត់ដំបងរហូតមកផងដែរ។

គ្រូជំនាញហែលទឹករូបនេះបន្ថែមទៀតថា ផ្ទុះការគាំទ្រច្រើនមួយរយៈពេលចុងក្រោយនេះអំពីអាងទឹកនៅខេត្តបាត់ដំបងគឺមួយផ្នែកបានមកពីការជួយធ្វើមាតិកាលើបណ្ដាញសង្គមផង និងមកពីការយល់ដឹងពីមហាជនអំពីកីឡាហែលទឹកកាន់តែច្រើនផង។ កីឡាករ កីឡាការិនីមកពីទីនោះទទួលបានជ័យជម្នះក្នុងការប្រកួតនៅភ្នំពេញផ្សេងៗផងទើបមានសន្ទុះនៃការគាំទ្រឡើងវិញចំពោះអាងទឹកនៅឯខេត្តបាត់ដំបងនៅពេលនេះ។

អាងទឹកនៅខេត្តបាត់ដំបង

យ៉ាងណាសហព័ន្ធកំពុងពិនិត្យមើលលទ្ធភាពជាក់ស្ដែងដើម្បីរៀបចំកម្មវិធីប្រកួតហែលទឹកសម្រាប់កុមារ និងការប្រកួតជ្រើសរើសជើងឯកថ្នាក់ជាតិ រួមទាំងព្រឹត្តិការណ៍កម្រិតអន្តរជាតិថែមទៀតផងដើម្បីជាការផ្សព្វផ្សាយឲ្យមានការគាំទ្រកាន់តែខ្លាំងជាងនេះចំពោះអាងទឹកខេត្តបាត់ដំបង។ លោកជឿជាក់ថានៅថ្ងៃខាងមុខអ្នកខេត្តបាត់ដំនឹងមានធនធានកីឡាករ កីឡាការិនីល្អៗកានតែច្រើនដើម្បីមកប្រជែងនៅរាជធានីភ្នំពេញជាមិនខាន។

ការប្រកួតនៅភ្នំពេញកន្លងទៅ

បញ្ជាក់ដែរថា អាងទឹកនៅក្នុងសកលវិទ្យាល័យជាតិបាត់ដំបងនេះដាក់ឲ្យប្រើប្រាស់ជាផ្លូវការអំឡុងឆ្នាំ២០២០ មកម្ល៉េះ។ អាងទឹកនេះជាអាងស្ដង់ដាមួយនៅកម្ពុជាផងដែរដោយមានអាងសម្រាប់ហែលទឹក សម្រាប់លោត និងអាងសម្រាប់កម្ពៅសាច់ដុំ។ មួយរយៈពេលកញ្ញា ហែមថុន វិទីនី បានធ្វើវីដេអូផ្សព្វផ្សាយជាបន្តបន្ទាប់មកនេះគេឃើញមានអ្នកចូលទៅហ្វឹកហាត់ និងហែលកម្សាន្តច្រើនឥលូនេះ៕