កីឡា

គ្មានក្រុមណាអាចបញ្ឈប់ ជប៉ុន បានឡើយពីរសប្តាហ៍ក្នុងព្រឹត្តិការណ៍បាល់ទះពិភពលោក Nations League

បានផុស

២ ម៉ោង មុន

នៅ

ថ្ងៃចន្ទ ២៩ មិថុនា ២០២៦

ដោយ

ក្រុមបាល់ទះជម្រើសជាតិជប៉ុនបានបង្កើតស្ថិតិដ៏អស្ចារ្យក្នុងព្រឹត្តិការណ៍បាល់ទះពិភពលោក Vollleyball Nations League ឆ្នាំ ២០២៦ ដែលបានចប់ពីរសប្តាហ៍ហើយ។ ពួកគេឆ្លងកាត់ ៨ ប្រកួត គឺឈ្នះទាំង ៨ ប្រកួត បានក្លាយជាក្រុមតែមួយគត់មិនទាន់ចាញ់ និងកំពុងឈរលើកំពូលតារាងបានឡើងទៅកាន់វគ្គ ៨ ក្រុមចុងក្រោយមុនគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សប្តាហ៍ទី១ ជប៉ុន បានឈ្នះ អ៊ុយក្រែន ៣-០, ឈ្នះ ប៉ូឡូញ ៣-២, ឈ្នះ ចិន ៣-១, ឈ្នះ ស្លួវេនី ៣-១ ខណៈសប្តាហ៍ទី២ ពួកគេបាន ឈ្នះ ស៊ែប៊ី ៣-១, ឈ្នះ អ៉ីរ៉ង់ ៣-១, ឈ្នះ អាមេរិក ៣-២, ឈ្នះ បារាំង ៣-២។ រហូតដល់ពេលនេះមិនថា ក្រុមណាមកពីណាទេ គឺគ្មានក្រុមណាអាចបញ្ឈប់បារាំងបានឡើយ។

ស្ថិតិប្រកួតក្នុងពាន Volleyball Nations Leauge របស់ជប៉ុន

ឆ្នាំ ២០១៨ ឈ្នះ ៦ ចាញ់ ៩ ស្ថិតនៅលេខ ១២
ឆ្នាំ ២០១៩ ឈ្នះ ៧ ចាញ់ ៨ ស្ថិតនៅលេខ ១០
ឆ្នាំ ២០២១ ឈ្នះ ៧ ចាញ់ ៨ ស្ថិតនៅលេខ ១១
ឆ្នាំ ២០២២ ឈ្នះ ៩ ចាញ់ ៣ ស្ថិតនៅលេខ ៥
ឆ្នាំ ២០២៣ ឈ្នះ ១០ ចាញ់ ២ ស្ថិតនៅលេខ ២
ឆ្នាំ ២០២៤ ឈ្នះ ៩ ចាញ់ ៣ ស្ថិតនៅលេខ ៤
ឆ្នាំ ២០២៥ ឈ្នះ ៨ ចាញ់ ៤ ស្ថិតនៅលេខ ៤

ឆ្នាំ ២០២៦ ទើបប្រកួតបាន ៨ លើកគឺឈ្នះទាំង ៨ លើក កំពុងឈរលើកំពូលតារាង។ ពួកគេនៅសល់ ៤ ប្រកួតទៀតសម្រាប់ការប្រកួតសប្តាហ៍ចុងក្រោយនៅក្នុងប្រទេសជប៉ុនខ្លួនចាប់ពីថ្ងៃទី ១៥ ដល់ ទី១៩ ខែកក្កដា។ ៤ប្រកួតចុងក្រោយ ជប៉ុន លេងនៅចំពោះមុខអ្នកគាំទ្ររបស់ខ្លួនទល់នឹង អ៊ីតាលី កាណាដា បែលហ្ស៊ិក និង អាហ្សង់ទីន។

បន្ទាប់ពីចប់វគ្គវិលជុំសន្សំពិន្ទុ ក្រុមចំណាត់ថ្នាក់លេខ ១ ដល់ លេខ ៧ ព្រមទាំងក្រុមជម្រើសជាតិ ចិន មួយទៀត ក្នុងនាមជាម្ចាស់ផ្ទះ បានឡើងទៅប្រកួតវគ្គ ៨ ក្រុមចុងក្រោយ ដែលត្រូវប្រកួតវគ្គចាញ់ធ្លាក់ ឈ្នះឡើងចាប់ពីថ្ងៃទី២៩ ខែកក្កដា ដល់ថ្ងៃទី២ ខែសីហា ឆ្នាំ ២០២៦៕