កីឡា

ក្រៅពីបាល់ទាត់នារី ក្រុមបាល់ទះបុរសកម្ពុជា ក៏ប៉ះ ឥណ្ឌូណេស៊ី រសៀលថ្ងៃនេះ

បានផុស

២ នាទី មុន

នៅ

ថ្ងៃព្រហស្បតិ៍ ១៦ កក្កដា ២០២៦

ដោយ

ក្រុមបាល់ទះជម្រើសជាតិ កម្ពុជា ត្រូវប៉ះក្រុមខ្លាំង ឥណ្ឌូណេស៊ី វេលាម៉ោង ៤:៣០នាទី រសៀល ថ្ងៃទី១៦ ខែកក្កដា ឆ្នាំ ២០២៦ ពានរង្វាន់ SEA V. League ជុំទី១ នៅប្រទេសហ្វីលីពីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសន្សំពិន្ទុលើកទី១ របស់កម្ពុជា បានធ្វើឲ្យម្ចាស់ផ្ទះ ហ្វីលីពីន ខកចិត្តតាមរយៈការប្រកួត ៥ សិតដជក់ចិត្ត។ សិតទី១ កម្ពុជា បានឈ្នះដោយពិន្ទុ ២៥-២៣, សិតទី២ ហ្វីលីពីន បានយកឈ្នះវិញដោយពិន្ទុ ២៨-៣០, សិតទី៣ កម្ពុជា បានឈ្នះដោយពិន្ទុ ២៥-២០ និងសិតទី៤ ហ្វីលីពីន បានឈ្នះវិញដោយពិន្ទុ ២២-២៥។ ចំពោះការប្រកួតកាត់សេចក្តីសិតទី៥ កម្ពុជា ធ្វើបានល្អខ្លាំងមែនទែនឈ្នះដោយពិន្ទុ ១៥-៨ ដើម្បីបញ្ចប់ការប្រកួតដោយទទួលបានជ័យជម្នះ ៣ទល់២។ កម្ពុជា រកបាន ២ ពិន្ទុ។

សម្រាប់ការប្រកួតរសៀលថ្ងៃនេះគឺជាលើកទី១ សម្រាប់ ក្រុមឥណ្ឌូណេស៊ី ដូច្នេះកម្ពុជាពិតជាធ្វើការធ្ងន់ខ្លាំងមែនទែន ដោយសារជួបដៃគូខ្លាំងប្រចាំតំបន់ហើយទើបតែនឿយហត់កាលពីល្ងាចមិញជាមួយហ្វីលីពីន។ ការប្រកួតនេះ កម្ពុជា ពិតជាពិបាកឈ្នះឥណ្ឌូណេស៊ី ប៉ុន្តែត្រូវខំប្រឹងឲ្យអស់ពីលទ្ធភាពដើម្បីឲ្យទទួលបានពិន្ទុ។ ប្រសិនបើ កម្ពុជា ចាញ់ គឺត្រូវរង់ចាំអ៊ុតមើលការប្រកួតរវាង ហ្វីលីពីន និងឥណ្ឌូណេស៊ី។ ប្រសិនបើ ឥណ្ឌូណេស៊ី ឈ្នះ ហ្វីលីពីន កម្ពុជា នឹងឡើងវគ្គពាក់កណ្តាលផ្តាច់ព្រ័ត្រ។

ប្រវត្តិជួបគ្នា គិតចាប់តាំងពីឆ្នាំ ២០១១ មក ក្រុមបាល់ទះកម្ពុជា ធ្លាប់បានជួបឥណ្ឌូណេស៊ី ចំនួន ៨ លើកគឺចាញ់ទាំងអស់។