កីឡា

ក្រុមនារី កម្ពុជា ជួប ឡាវ វគ្គពាក់កណ្តាលផ្តាច់ព្រ័ត្រ ពាន AFF Women’s Cup 2026

បានផុស

២០ ម៉ោង មុន

នៅ

ថ្ងៃព្រហស្បតិ៍ ១៦ កក្កដា ២០២៦

ដោយ

ក្រុមបាល់ទាត់ជម្រើសជាតិនារីកម្ពុជា ស្ថិតនៅចំណាត់ថ្នាក់លេខ ១ ក្នុងពូល B បន្ទាប់ពីបញ្ចប់ដោយលទ្ធផលស្មើគ្នា ១-១ ជាមួយ ក្រុមនារីឥណ្ឌូណេស៊ី សម្រាប់ការប្រកួតវគ្គសន្សំពិន្ទុក្នុងពូលដែលបានបញ្ចប់នៅថ្ងៃទី១៦ ខែកក្កដា ឆ្នាំ ២០២៦ នៅប្រទេសម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារីកម្ពុជា រកបាន ៣ ពិន្ទុពីជ័យជម្នះដោយលទ្ធផល ៣-១ លើក្រុមនារីទីម័រខាងកើត សម្រាប់ការប្រកួតវគ្គសន្សំពិន្ទុលើកទី១ និងរកបាន ១ ពិន្ទុពីការប្រកួតស្មើ ១-១ ជាមួយឥណ្ឌូណេស៊ី ដើម្បីឈរលេខ ១ ក្នុងពូល ខណៈ ឥណ្ឌូណេស៊ី ឈរលេខ ២ មាន ៤ ពិន្ទុ ស្មើកម្ពុជា បន្ទាប់ពីឥណ្ឌូណេស៊ី បានឈ្នះ ទ៏ម័រខាងកើត ដោយលទ្ធផល ២-០។

ក្រុមនារីកម្ពុជា និងឥណ្ឌូណេស៊ី បានដឹកដៃគ្នាឡើងទៅកាន់វគ្គពាក់កណ្តាលផ្តាច់ព្រ័ត្រ ដោយក្រុមនារីកម្ពុជា ជួប ក្រុមនារីឡាវ ដែលជាក្រុមលេខ ២ ក្នុងពូល A ខណៈក្រុមនារីឥណ្ឌូណេស៊ី ជួបក្រុមនារីសិង្ហបុរី ដែលជាក្រុមលេខ ១ ក្នុងពូល A។

ក្រុមម្ចាស់ផ្ទះ ម៉ាឡេស៊ី រកបាន ១ ពិន្ទុ ពីលទ្ធផលស្មើ ១ និងចាញ់ ហើយ ទីម័រខាងកើត ចាញ់ទាំងពីរប្រកួត ដូច្នេះក្រុមទាំងពីរធ្លាក់ត្រឹមវគ្គសន្សំពិន្ទុក្នុងពូល។