កីឡា

រំលឹកការប្រកួតនៅអូស្ត្រាលី បឺត សង្ឃឹម ខូចជង្គង់តាំងពីទឹកទី១ មកម្ល៉េះតែតស៊ូប្រកួតរហូតដណ្ដើមបានជ័យជម្នះ

បានផុស

១៩ នាទី មុន

នៅ

ថ្ងៃសុក្រ ២៤ កក្កដា ២០២៦

ដោយ

កីឡាករល្អក្បាច់ បឺត សង្ឃឹម អំឡុងការប្រកួតនៅឯប្រទេសអូស្ត្រាលីនោះគឺរូបគេដូលខូចជង្គង់តាំងតែពីទឹកទី១ មកម្ល៉េះ ប៉ុន្តែបន្តតស៊ូប្រកួតរហូតអាចឈ្នះដៃគូ និងរក្សាខ្សែក្រវាត់នាំមុខមាត់ជូនកម្ពុជាមកវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សង្ឃឹម និង អាទិទេព

ថ្លែងក្នុងកិច្ចសម្ភាស បឺត សង្ឃឹម បានលើកឡើងថា អំឡុងការប្រកួតនៅទឹកទី១ នៅឯប្រទេសអូស្ត្រាលីជាមួយកីឡាករ Sulaiman គឺរូបគេដួលខូចជង្គង់ឆ្វេងតាំងពីពេលដួលនោះមកម្ល៉េះ។ នៅពេលនោះគឺដៃគូទាត់ឆ្វេងបន្ទាប់មករូបគេរង និងចាប់ជើង ប៉ុន្តែខ្លួនក៏អស់ជំហរទ្រេតដួលស្របពេលត្រូវសង្គត់ថែមទៀតក៏ឈឺចាប់ពីពេលនោះតែម្ដង។

អ្នកលេងគុនខ្មែររូបនេះបន្ថែមទៀតថា ដោយសារលោក សេន ប៊ុនថេន សួរទ្រាំបានទេ និងចង់ដណ្ដើមមុខមាត់ ផ្សព្វផ្សាយគុនខ្មែរផងនោះក៏សម្រេចបន្តការប្រកួតតទៅទៀតរហូតបញ្ចប់ទាំង ៣ទឹក និងទទួលបានជ័យជម្នះ។ ចំពោះរបួសជង្គង់របស់ខ្លួននៅពេលនេះគឺត្រូវពិនិត្យតាមដានមួយខែសិន។ ប្រសិនបើមានស្ថានភាពធូរស្រាល ឬល្អឡើងវិញនោះគឺត្រឹមរយៈពេល ២ខែគឺអាចវិលមកកាន់ការហ្វឹកហាត់បានវិញហើយ ព្រោះនេះក៏មិនមែនបញ្ហា ACL នោះដែរ។

បឺត សង្ឃឹម ប្រកួតនៅអូស្ត្រាលី

បញ្ជាក់ដែរថា កាលពីថ្ងៃទី១៧ ខែកក្កដា ឆ្នាំ២០២៦ បឺត សង្ឃឹម បានប្រកួតឈ្នះពិន្ទុកីឡាករ SULAIMAN HASHEMI នៅឯប្រទេសអូស្ត្រាលី។ រំលឹកទៅការប្រកួតនោះដែរគឺក្រុមគុនខ្មែររួមមាន ពេជ្រ សម្បត្តិ ពេជ្រ អាទិទេព បឺត សង្ឃឹម បានឈ្នះដៃគូ និង ទូច ចាន់វត្តី គឹម វាសនា ចាញ់ ចំណែក ឡុង សំណាង មិនបានប្រកួតនោះឡើយដោយសារដៃគូធ្វើទម្ងន់មិនបាន៕