ឥណ្ឌាមានអ្នកស្លាប់ដោយសារកូវីដលើស ៤ពាន់នាក់ ២ថ្ងៃជាប់គ្នា

នៅថ្ងៃព្រហស្បតិ៍ទី១៣ខែឧសភានេះ ប្រទេសឥណ្ឌាបានកត់ត្រាការស្លាប់ដោយសារជំងឺកូវីដ -១៩ ជាង៤,០០០នាក់ក្នុងរយៈពេល២ថ្ងៃជាប់ៗគ្នា ខណៈការឆ្លងស្ថិតនៅក្រោម៤០០,០០០ករណីសម្រាប់ថ្ងៃទី៤ជាប់គ្នា។

យោងតាមទិន្នន័យរបស់ក្រសួងសុខាភិបាលបានបង្ហាញថា ប្រទេសឥណ្ឌាមានអ្នកឆ្លងកូវីដថ្មី ចំនួន ៣៦២,៧២៧ ករណីក្នុងរយៈពេល២៤ម៉ោងចុងក្រោយ ខណៈការស្លាប់កើនឡើងដល់ ៤,១២០នាក់។

ការកើនឡើងនៃការឆ្លង គឺស្របគ្នានឹងភាពយឺតយ៉ាវនៃការចាក់វ៉ាក់សាំង បើទោះបីជាលោកនាយករដ្ឋមន្រ្តី Narendra Modi បានប្រកាសថា ការចាក់វ៉ាក់សាំងនឹងបើកចំហចំពោះមនុស្សពេញវ័យទាំងអស់ចាប់ពីថ្ងៃទី ១ខែឧសភាទៅក៏ដោយ។

រដ្ឋចំនួនពីរគឺ Karnataka និង Maharashtra បានប្រកាសថា ពួកគេនឹងផ្អាកការចាក់វ៉ាក់សាំងជាបណ្តោះអាសន្នសម្រាប់មនុស្សដែលមានអាយុចន្លោះពី១៨ដល់៤៤ឆ្នាំ ខណៈពួកគេផ្តល់អាទិភាពដល់អ្នកដែលមានអាយុលើសពី ៤៥ឆ្នាំដែលត្រូវការដូសទី២៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ចម្លែក ណាស់ ឥណ្ឌា លេច ចេញ ជំងឺ ផ្សិត ខ្មៅ ៥០ ករណី លើ អ្នក ជំងឺ កូវីដ – ១៩