ជីវិតកម្សាន្ដ

ដេននី ក្វាន់ :ខ្ញុំមិនត្រឹមតែឈឺចាប់ចំពោះភាពអយុត្តិធម៌ទេ គឺមានបុគ្គលខ្លះប្រើពាក្យប្រមាថកិត្តិយសទៀត

បានផុស

៥ years មុន

នៅ

ថ្ងៃពុធ ២៦ ឧសភា ២០២១

ដោយ

ភ្នំពេញ ៖ កញ្ញា ដេននី ក្វាន់ នៅយប់ថ្ងៃទី២៦ខែឧសភាឆ្នាំ២០២១នេះបានធ្វើការLiveបញ្ជាក់បន្ថែមចំពោះករណីរបស់នាងដែងរងនូវអំពើអយុត្តិធម៌ក្នុងរឿងរ៉ាវម្ចាស់សណ្ឋាគារសមុទ្រមាសនាងក្រុងកំពង់ សោមលួចបង្កប់Cameraក្នុងបន្ទប់នាងគេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការLiveរបស់តារាស្រីកញ្ញា ដេននី ក្វាន់ តាំងពីដើមដំបូងរហូតដល់ចប់ដែលមានចំនួន៣ឃ្លីបគឺនាងបានរៀបរាប់រឿងរ៉ាវជាច្រើនចាប់តាំងពីថ្ងៃកើតហេតុរហូតមកទល់ថ្ងៃដែលតុលាការប្រកាសសាលក្រមនិងសំណងជំងឺចិត្តចំនួន១ម៉ឺនដុល្លារ ខណ ជនដែលពាក់ព័ន្ធត្រូវអនុវត្តទោស។

កញ្ញា ដេននី ក្វាន់ បានបានបញ្ជាក់ថា ”បើបងប្អូនជាខ្ញុំត្រូវព្រមទទួលយកសំណង ១ម៉ឺន ដុល្លារ នឹង ទេ ?កិត្តិយស របស់ខ្ញុំមិនអាចយកលុយ ១ម៉ឺនដុល្លារ មកទិញបានទេឈឺចាប់ហួសថ្លែងអយុត្តិធម៌សម្រាប់រូបនាងខ្ញុំណាស់ “។ នាងថា ចំពោះមូលហេតុដែលមិនបង្ហោះភ្លាមៗតាំងពីថ្ងៃកើតហេតុនោះដោយសារ តែប៉ូលិសមិនទាន់ឲ្យបង្ហោះព្រោះ គេកំពុងធ្វើការតាមនីតិវិធីច្បាប់។

តារាស្រី ដេននី ក្វាន់ បាននិយាយទាំងទឹកភ្នែកទៀតថា រឿងដែលឈឺចាប់ជាងនេះទៅទៀតនោះគឺមានបុគ្គលខ្លះបែរជាមករិះគន់ដើម្បីជាន់ពន្លិចនាងនៅ ពេលនេះទៅវិញ។ នេះជាប្រវត្តិសាស្ត្រហើយដែលទម្លាក់កំហុសមកនាងដែលជាជនរងគ្រោះជាអ្នកខុសទៅវិញ។ មានអ្នកខ្លះថាមកពីនាងចង់បានលុយ១០ម៉ឺនដុល្លារទើបឡាំប៉ាបើកកកាយរឿងទាមទារយុត្តិធម៌នៅពេលនេះ។

ត្រង់ចំណុចនេះត្រូវបានកញ្ញា ដេននី ក្វាន់ បញ្ជាក់ទៅវិញថាចំពោះលុយ១០ម៉ឺនដុល្លារនេះវាមិនបានស្មើកិត្តិយសនិងសេចក្តីថ្លៃថ្នូររបស់នាងជាស្ត្រីឡើង។ ប៉ុន្តែអ្វីដែលនាងទាមទារពេលនេះគឺយុត្តិធម៌សម្រាប់ខ្លួនប៉ុណ្ណោះចំណែកសំណងជំងឺចិត្តដែលថា បាន១ម៉ឺនដុល្លារនោះគឺនាងមិនទាន់បានទទួលទេសូម្បីតែ១០០លុយខ្មែរ៕

ដោយ ៖ ចាន់រ៉ា