ព័ត៌មានជាតិ
ព្រះមហាក្សត្រ និងសម្តេចម៉ែ ព្រះរាជទានថវិកាចំនួន៤០០០ ដុល្លារ និងម៉ាស៣០០០ ដល់សហគមន៍ខ្មែរកម្ពុជាក្រោម
លោក ថាច់ សេដ្ឋា ប្រធានសហគមន៍ខ្មែរកម្ពុជាក្រោមបានប្រាប់កម្ពុជាថ្មីឲ្យដឹងថា នៅថ្ងៃទី០៤ ខែមិថុនា ឆ្នាំ២០២១ ខាងមុខ ជាខួប ៧២ ឆ្នាំ នៃទិវាដែលបារាំងផ្ទេរទឹកដីកម្ពុជាក្រោមឲ្យវៀតណាមត្រួតត្រា (៤ មិថុនា ១៩៤៩-៤ មិថុនា ២០២១) ដែលក្នុងពិធីនេះដែរ សម្តេចព្រះមហាក្សត្រី នរោត្តម មុនីនាថ សីហនុ បានផ្តល់ថិវកាចំនួន ៣០០០ ដុល្លារសហរដ្ឋអាមេរិក និងម៉ាសចំនួន ៣០០០ និងព្រះមហាក្សត្រ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី បានប្រទានថវិកាចំនួន ១០០០ ដុល្លារផងដែរ។
បើតាមលោក ថាច់ សេដ្ឋា កម្មវិធីរំលឹកខួបបាត់បង់ទឹកដីកម្ពុជាក្រោម ដែលតែងតែធ្វើឡើងនៅថ្ងៃទី០៤ ខែមិថុនា ជារៀងរាល់ឆ្នាំនោះ នឹងត្រូវលើកទៅធ្វើនៅថ្ងៃទី២៦ ខែមិថុនា វិញ ហើយបង្វែរពីកម្មវិធីរាប់បាតព្រះសង្ឃ ១៩៤៩ អង្គ ទៅជាការចែកជាជំនួយដល់ប្រជាពលរដ្ឋចំនួន ១៩៤៩ គ្រួសារជំនួសវិញ។ លោកបញ្ជាក់ថា ការបង្វែរពីកម្មវិធីនេះ ដោយសារតែការរីករាលដាលនៃជំងឺកូវីដ-១៩ ដែលមិនអាចជួបជុំគ្នារៀបចំកម្មវិធីបាន។ ម្យ៉ាងដោយសារតំបន់មួយចំនួនត្រូវបានបិទខ្ទប់ និងដាក់ជាតំបន់ក្រហមជាដើម ធ្វើឲ្យប្រជាពលរដ្ឋជួបប្រទះនូវការលំបាក ជាពិសេសខ្វះខាតស្បៀងអាហារ។
លោក ថាច់ សេដ្ឋា អះអាងថា បើដល់ពេលនោះ ការរីករាលដាលជំងឺកូវីដ-១៩ បានថយចុះ ហើយអាជ្ញាធរអនុញ្ញាតឲ្យជួបជុំគ្នាបាននោះ យើងនឹងជួបប្រជុំគ្នា ហើយបើជួបមិនបានទេ នឹងយកជំនួយចែកជូនទៅតាមតំបន់ដែលប្រឈមដូចជាតំបន់ក្រហម ឬតំបន់រាំងខ្ទប់ជាដើម។
សូមបញ្ជាក់ថា អំណោយរបស់សម្តេចម៉ែ និងព្រះមហាក្សត្រ ត្រូវបានលោក កង សេរីសោភ័ណ អនុរដ្ឋលេខាធិការក្រសួងព្រះបរមរាជរាំង និងលោក ឡាច សុភាព ប្រធានពិធីការ និងសហការី បាននាំយកទៅផ្តល់ជូនសហគមន៍ខ្មែរកម្ពុជាក្រោម កាលពីព្រឹកថ្ងៃ ទី២៦ ខែឧសភា គ.ស.២០២១៕
អត្ថបទ៖ កោះកែវ
ចុចអាន៖ តំណាង WHO អះអាងថា ស្ថានភាពកូវីដ១៩នៅកម្ពុជាមានសភាពធ្ងន់ធ្ងរនៅឡើយ
ចុចអាន៖ អ្នកដំណើរចាក់វ៉ាក់សាំងរួចហើយចូលមកកម្ពុជានៅតែតម្រូវឱ្យធ្វើតេស្តនិងចត្តាឡីស័ក១៤ថ្ងៃ
-
ជីវិតកម្សាន្ដ៤ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង២ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ៩ ម៉ោង ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ
-
ព័ត៌មានជាតិ២ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ