ព្រះមហាក្សត្ររាជានុញ្ញាតឱ្យប្រើប្រាស់ «រាជសព្ទ» ចំពោះសម្ដេចព្រះសង្ឃ២អង្គបន្ថែម

ព្រះមហាក្សត្រកម្ពុជា សម្ដេចព្រះបរមនាថ នរោត្តម សីហមុនី សម្រេចព្រះទ័យប្រោសព្រះរាជទាន ប្រើព្រះរាជសព្ទ ចំពោះសម្ដេចព្រះសង្ឃមហាសុមេធាធិបតី អំ លឹមហេង និងសម្ដេចព្រះពោធិវ័ង្ស ណយ ច្រឹក។

ក្នុងព្រះរាជក្រឹត្យប្រោសប្រទានដាច់ដោយឡែកចំនួន២ សម្ដេចព្រះនរោត្តម សីហមុនី ក៏រាជានុញ្ញាតដល់សម្ដេចព្រះមហាសុមេធាធិបតី អំ លឹមហេង និងសម្ដេចព្រះពោធិវ័ង្ស ណយ ច្រឹក មានសិទ្ធិប្រើប្រាស់ផ្លិតយសពិសេសបានផងដែរ។

ផ្លិតយសពិសេស សម្រាប់សម្ដេចព្រះមហាសង្ឃរាជ សម្តេចព្រះសង្ឃនាយក ដែលមានរាជបុព្វសិទ្ធិប្រើជា រាជស័ព្ទ គឺផ្លិតយសពណ៌លឿងទឹកមាស រំលេចដោយរូបព្រះរាជសង្ហារ នៅចំកណ្ដាលនៃផ្លិតយសនោះ។

បច្ចុប្បន្នសម្តេចព្រះសង្ឃដែលមានព្រះរាជបុព្វសិទ្ធិប្រើផ្លិតយសពិសេស និងរាជស័ព្ទមាន សម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី និងសម្តេចព្រះអគ្គមហាសង្ឃរាជាធិបតី សម្តេចព្រះសង្ឃរាជ នន្ទ ង៉ែត៕

អត្ថបទដោយ ហ៊ុន សិរីវឌ្ឍន៍