ព័ត៌មានអន្ដរជាតិ
រុស្ស៊ី ពិចារណាផ្ទេរបច្ចេកវិទ្យាផលិតវ៉ាក់សាំង Sputnik V ទៅ វៀតណាម
ប្រធានក្រុមប្រឹក្សាសហព័ន្ធរុស្ស៊ីលោកស្រី Ivanovna Matvienko បាននិយាយថា ប្រទេសរុស្ស៊ីកំពុងពិចារណាផ្ទេរបច្ចេកវិទ្យាផលិតវ៉ាក់សាំង Sputnik V ទៅកាន់ប្រទេសវៀតណាម ។
លោកស្រី Matvienko បានធ្វើសេចក្តីថ្លែងខាងលើ នៅក្នុងកិច្ចសន្ទនាតាមទូរស័ព្ទ ជាមួយសមាជិកសភាជាន់ខ្ពស់វៀតណាម លោក Vuong Dinh Hue កាលពីថ្ងៃពុធ ។

ទន្ទឹមនោះលោក Vuong ក៏បានថ្លែងអំណរគុណ ចំពោះការបរិច្ចាគវ៉ាក់សាំង Sputnik V ចំនួន ១,០០០ ដូសដល់ប្រទេសវៀតណាម កាលពីដើមឆ្នាំនេះ ក៏ដូចជាការប្តេជ្ញាចិត្តរបស់រុស្ស៊ី សម្រាប់ការផ្តល់អាទិភាពដល់ប្រទេសនៅអាស៊ីអាគ្នេយ៍ ក្នុងការទទួលនូវវ៉ាក់សាំង Sputnik V ចំនួន ២០,០០០ លានដូស ។
រដ្ឋាភិបាលនៃប្រទេសវៀតណាម បានកំណត់គោលដៅឲ្យមានវ៉ាក់សាំងចំនួន ១៥០ លានដូស សម្រាប់យុទ្ធនាការចាក់វ៉ាក់សាំង ឥតគិតថ្លៃដល់ប្រជាជនរបស់ខ្លួន ខណៈប្រទេសនេះបានចាប់ផ្ដើមយុទ្ធនាការចាក់វ៉ាក់សាំង តាំងពីថ្ងៃទី ៨ ខែមីនា ឆ្នាំ ២០២០ ។

នៅក្នុងសកម្មភាពចុងក្រោយ រដ្ឋាភិបាលបានដាក់ចេញនូវមូលនិធិវ៉ាក់សាំងការពារជំងឺកូវីដ ១៩ ដើម្បីកៀងគរការគាំទ្រ និងការបរិច្ចាគពីបុគ្គល និងអង្គការក្នុងប្រទេស និងបរទេស ដើម្បីធានាបាននូវមូលនិធិនាំចូលវ៉ាក់សាំងបរទេស ក៏ដូចជា ការស្រាវជ្រាវ ការអភិវឌ្ឍន៍ និងការផលិតវ៉ាក់សាំងក្នុងស្រុក ជាដើម ។
គួរបញ្ជាក់ថា គិតត្រឹមពេលនេះ ប្រទេសវៀតណាម បានអនុម័តប្រើប្រាស់វ៉ាក់សាំង ការពារជំងឺកូវីដ ១៩ ចំនួន ៣ ហើយ ក្នុងនោះមានដូចជា វ៉ាក់សាំង AstraZeneca វ៉ាក់សាំង Sputnik V របស់រុស្ស៊ី និងចុងក្រោយវ៉ាក់សាំងចិន Sinopharm ដែលអនុញ្ញាតប្រើប្រាស់កាលពីថ្ងៃទី៤ ខែមិថុនា ៕

ប្រែសម្រួលដោយ ៖ ជីវ័ន្ត
ប្រភព ៖ A24now
ចុចអាន ៖ ក្រុមហ៊ុនយក្សលំដាប់ពិភពលោកចំនួន២ ចូលរួមវិភាគទានជួយ វៀតណាម ទិញវ៉ាក់សាំងកូវីដ

-
ព័ត៌មានអន្ដរជាតិ២ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២៤ ម៉ោង ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១២ ម៉ោង ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៣ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន