ព័ត៌មានអន្ដរជាតិ
WHO ថា បណ្តាប្រទេសអាហ្វ្រិក ៩០ ភាគរយនឹងខកខានគោលដៅចាក់វ៉ាក់សាំងការពារកូវីដតាមការគ្រោងទុក
អង្គការសុខភាពពិភពលោក (WHO) បាននិយាយកាលពីថ្ងៃព្រហស្បតិ៍ថា ៩០ ភាគរយនៃបណ្តាប្រទេសអាហ្វ្រិក នឹងខកខានគោលដៅក្នុងការចាក់វ៉ាក់សាំងឲ្យបាន ១០ ភាគរយនៃប្រជាជនរបស់ពួកគេនៅត្រឹមខែកញ្ញា លើកលែងតែទ្វីបនេះទទួលបានវ៉ាក់សាំង ២២៥ លានដូសទៀត ។
នៅក្នុងសន្និសីទសារព័ត៌មានមួយ លោកស្រី Matshidiso Moeti នាយកប្រចាំតំបន់របស់ WHO ប្រចាំទ្វីបអាហ្វ្រិកបាននិយាយថា ដោយគ្មានការជំរុញគួរឲ្យកត់សម្គាល់ ក្នុងការទទួលបានវ៉ាក់សាំងនោះ មានតែប្រទេសអាហ្វ្រិកចំនួន ៧ ប៉ុណ្ណោះ ដែលនឹងសម្រេចបានគោលដៅនេះ ។
ដោយមានតែវ៉ាក់សាំង ៣២ លានដូស ទ្វីបអាហ្រ្វិកមានចំនួនអ្នកចាក់វ៉ាក់សាំងក្រោម ១ ភាគរយទៅទៀត បើប្រៀបធៀបទៅនឹងវ៉ាក់សាំងការពារកូវីដជាង ២.១ ពាន់លានដូស ដែលត្រូវបានចាក់នៅទូទាំងពិភពលោក ។
យោងតាមតួលេខរបស់ WHO បានឲ្យដឹងថា មានតែ ២ ភាគរយប៉ុណ្ណោះ នៃប្រជាជនជិត ១.៣ ពាន់លាននាក់របស់ទ្វីបនេះ បានទទួលការចាក់វ៉ាក់សាំងដូសដំបូង ហើយមានប្រជាជនអាហ្វ្រិកតែ ៩.៤ លាននាក់ប៉ុណ្ណោះ បានទទួលការចាក់វ៉ាក់សាំងពេញ ២ ដូស ។
ទន្ទឹមនោះ លោកស្រីក៏បានកោតសរសើរ ចំពោះផែនការរបស់អាមេរិកក្នុងការទិញ និងបរិច្ចាគវ៉ាក់សាំង Pfizer ចំនួនកន្លះពាន់លានដូស ដល់ប្រទេសដែលមានប្រាក់ចំណូលទាប និងមធ្យមចំនួន ៩២ ។
លោកស្រី Moeti បាននិយាយថា “យើងត្រូវធានាថា វ៉ាក់សាំងដែលយើងមាន មិនត្រូវប្រើខ្ជះខ្ជាយនោះទេ ពីព្រោះរាល់ដូសគឺមានតម្លៃ” ។ លោកស្រីបន្ថែមថា “បណ្តាប្រទេសដែលកំពុងយឺតយ៉ាវ ក្នុងការចាប់ផ្តើមយុទ្ធនាការចាក់វ៉ាក់សាំង ត្រូវតែបង្កើនកិច្ចខិតខំប្រឹងប្រែងចាក់វ៉ាក់សាំង” ។
គួរបញ្ជាក់ថា គិតត្រឹមពេលនេះ ទ្វីបអាហ្វ្រិកមានករណីឆ្លងជំងឺកូវីដ ១៩ ជាង ៤.៩ លានករណី និងមានអ្នកស្លាប់ចំនួន ១៣២,០០០ នាក់ ខណៈមានអ្នកជាសះស្បើយជាង ៤.៤ លាននាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ WHO ថា មិនអាចបង្ខំ ចិន ឲ្យផ្តល់ព័ត៌មានបន្ថែមអំពីប្រភពដើមកូវីដ
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល