ពីរថ្ងៃជាប់គ្នា ខេត្តព្រៃវែងហាក់មានការធ្លាក់ចុះនៃការឆ្លងជំងឺកូវីដ-១៩

តាមការសង្កេត រយៈពេលពីរថ្ងៃជាប់គ្នានេះ ខេត្តព្រៃវែងដូចជាមានសញ្ញាល្អនៃអត្រាការឆ្លង​រាល​​ដាលនៃ​ជំងឺកូវីដ-១៩ ដែលចំនួនអ្នកឆ្លងមានត្រឹមតែ៣៦នាក់ប៉ុណ្ណោះ ក្នុងរយៈពេលពីរថ្ងៃជាប់គ្នា ខុសពីការរកឃើញកន្លងមក ដោយក្នុងមួយថ្ងៃរដ្ឋបាលខេត្តរកឃើញអ្នកឆ្លងចាប់ពី៣០នាក់ឡើង​ក្នុងមួយថ្ងៃ។

យោងតាមរបាយការណ៍ដែលរដ្ឋបាលខេត្តបានបង្ហាញ នៅថ្ងៃទី២៣ ខែមិថុនា រដ្ឋបាលខេត្តបាន​រក​ឃើញអ្នកឆ្លងជំងឺកូវីដ-១៩ ចំនួន២២នាក់ និងថ្ងៃទី២៤ ខែមិថុនា រដ្ឋបាលខេត្តបានរកឃើញអ្នកឆ្លង​ត្រឹម​​តែ១៤នាក់ប៉ុណ្ណោះ និងមានអ្នកស្លាប់ម្នាក់ ដែលចំនួននេះ គឺជាសញ្ញាល្អមួយនៃអត្រាការ​ឆ្លង​រាល​ដាលនៃជំងឺកូវីដ-១៩ ក្នុងខេត្តព្រៃវែង។

គិតត្រឹមថ្ងៃទី២៤ ខែមិថុនា ឆ្នាំ២០២១នេះ ខេត្តព្រៃវែងមានអ្នកឆ្លងជំងឺកូវីដ-១៩ សរុប១,២៩១ នាក់​ព្យាបាលជាសះស្បើយ៨១២នាក់ កំពុងសម្រាកព្យាបាលចំនួន៤៦១នាក់ និងស្លាប់១៩នាក់៕

អត្ថបទ ៖ សុខុម