អ្នកជាសះស្បើយពីកូវីដ មួយចំនួនតូច នៅតែហិតមិនដឹងក្លិន ដល់ទៅមួយឆ្នាំ

ការស្រាវជ្រាវថ្មីមួយរកឃើញថា អ្នកជំងឺដែលបានជាសះស្បើយពីកូវីដ-១៩ មួយចំនួនតូច ពោលគឺជិត៤ភាគរយ នៅតែបន្តបាត់បង់ក្លិនរហូតដល់មួយឆ្នាំ។

អាការនៃការបាត់បង់ក្លិនជារោគសញ្ញាទូទៅមួយនៃជំងឺកូវីដ-១៩ ហើយសម្រាប់មនុស្សជាច្រើននឹងអាចហិតក្លិនជាធម្មតាវិញ ក្រោយជាសះស្បើយបានមួយខែ។ ផ្ទុយទៅវិញ អ្នកជំងឺប្រមាណ ៤ ​ភាគរយដែលជាសះស្បើយពីកូវីដ-១៩ នៅតែមិនអាចស្រង់ក្លិនដូចដើមឡើយ ដែលអាការនេះមានរយៈពេលយ៉ាងហោចមួយឆ្នាំ ក្រោយចេញពីមន្ទីរពេទ្យ។

អ្នកស្រាវជ្រាវបារាំងមួយក្រុមបានតាមដានស្ថានភាពអ្នកជំងឺ​ជាសះស្បើយពីកូវីដ-១៩ ចំនួន ៩៧ នាក់ ហើយបានរកឃើញថា ៩៦,១ ភាគរយនៃពួកគេបានធូរស្រាលទាំងស្រុង ចំណែកនៅសល់ ៣,៩ ភាគរយបែរជាមិនមានក្លិនដូចពេលកំពុងមានជំងឺអ៊ីចឹងដែរ។

ការសិក្សាដែលចេញផ្សាយនៅក្នុង JAMA Network Open បានបញ្ជាក់ថា អ្នកជំងឺមួយភាគធំអាចស្រង់ក្លិនជាធម្មតាឡើងវិញបន្ទាប់ពីរយៈពេល ១ ខែឬយ៉ាងយូរ ៤ខែប៉ុណ្ណោះ ច្រមុះពួកគេនឹងជាប្រក្រតី។ ក្រៅពីនោះ មនុស្សម្នាក់ក្នុងចំណោម៣០នាក់នៅតែមានបញ្ហាជាមួយការហិតក្លិនរយៈពេលយូរ៕

ប្រែសម្រួល៖ សន្យា

ប្រភព៖ Mail Daily

ចុចអាន៖ វេជ្ជបណ្ឌិតម្នាក់ថា កូវីដ អាចឆ្លងតាម ផោម

ចុចអាន៖ មេរោគផ្សិតបៃតងនៅក្នុងខ្លួនអ្នកជំងឺកូវីដ អាចបង្កើនហានិភ័យស្លាប់កាន់តែខ្លាំង