ចរាចរណ៍

រថយន្តបើកបុកម៉ូតូមួយគ្រឿង បណ្ដាលឲ្យរងរបួសធ្ងន់៣នាក់ទាំងកណ្តាលយប់

បានផុស

៥ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

មនុស្ស៣នាក់ បានរងរបួសយ៉ាងធ្ងន់ធ្ងរ ខណៈកំពុងជិះម៉ូតូដល់ចំណុចផ្លូវខ្វែង ក៏ស្រាប់តែមានរថយន្ត១គ្រឿងបោះពួយមកបុកទាំងកម្រោលតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពនៅទីនោះបានអះអាងថា ហេតុការណ៍ដ៏រន្ធត់នេះបានកើតឡើង នៅផ្លូវបំបែកជា៤ ចុងស្ពានសម្តេចក្រឡាហោមសខេង ត្រើយខាងកើត បណ្តាលឲ្យអ្នកជិះម៉ូតូរងរបួសធ្ងន់៣ នាក់ កាលពីម៉ោងប្រហែលជិត១០យប់ កាលពីថ្ងៃទី២១ ខែកក្កដា ឆ្នាំ២០២១នេះ។ ហេតុការណ៍នេះបង្កឲ្យមានការភ្ញាក់ផ្អើលដល់អ្នកធ្វើដំណើរផ្សេងទៀតចោមរោមមើល និង មានការអន្តរាគមន៍ភ្លាមៗពីសមត្ថកិច្ចក្រុង និង កម្លាំងចរាចរណ៍ផ្លូវគោកផងដែរ។

ប្រភពពីកន្លែងកើតហេតុឲ្យដឹងថា រថយន្តបង្កម៉ាកនីសាន់ម៉ាច ពាក់ស្លាកលេខ ពោធិ៍សាត់1A-0660 បានប៉ះជាមួយ ម៉ូតូម៉ាកឌ្រីម ២០១៨ ពាក់ស្លាកលេខបាត់ដំបង 1A-D2807 ដែលជិះគ្នា៣ នាក់ បណ្តាលឲ្យអ្នកបើកបរម៉ូតូខ្លះសន្លប់ ខ្លះបាក់ជើង និង រងរបួសធ្ងន់ធ្ងរ។

ជុំវិញករណីចរាចរណ៍នេះ គេនៅមិនទាន់ដឹងឈ្មោះ ជនរងគ្រោះ និង ម្ចាស់រថយន្តនៅឡើយទេ ដោយភ្លាមៗម្ចាស់រថយន្តគេចខ្លួនបាត់មិនឃើញនៅកន្លែងកើតហេតុ ចំណែកជនរងគ្រោះ ត្រូវបញ្ជូនទៅកាន់មន្ទីរពេទ្យភ្លាមៗ។ យើងមិនទាន់អាចទំនាក់ទំនងសុំការបំភ្លឺពីមន្ត្រីចរាចរណ៍ខេត្ត ដែលចុះមកវាស់វែង និង ដោះស្រាយករណីចរាចរណ៍ខាងលើនៅឡើយទេ៕

អត្ថបទ៖ សោ និយមរ័ត្ន