KPT+

មហាសេដ្ឋីវ័យក្មេង ៥ រូប មានឥទ្ធិពលខ្លាំងនៅកូរ៉េខាងត្បូង

បានផុស

៦ years មុន

នៅ

ថ្ងៃសៅរ៍ ៤ កក្កដា ២០២០

ដោយ

ជាការពិត កូរ៉េខាងត្បូងបច្ចុប្បន្នសំបូរទៅដោយអ្នកមានប្រាក់ទៅរស់នៅប្រកបរបរច្រើនឡើងៗ ហើយថែមទាំងមានជំនួញក្នុងដៃរាប់មិនអស់។

មហាសេដ្ឋីខ្លះទៀត គឺជាតារាសំដែងប្រចាំប្រទេសកូរ៉េ និងខ្លះមានឪពុកម្ដាយជាមហាសេដ្ឋីស្រាប់ តែចេញមកបង្កើតជំនួញសម្រាប់ខ្លួនឯងដូចជា ៖

១. Lee Boo-jin

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាកូនស្រីរបស់លោក Lee Kun-hee ដែលជាប្រធានក្រុមហ៊ុនអេឡិចត្រូនិក Samsung និងជាបុរសអ្នកមានជាងគេបំផុតនៅកូរ៉េខាងត្បូង។ បច្ចុប្បន្ននាងមានតួនាទីជាប្រធាននិងជានាយកប្រតិបត្តិនៃសណ្ឋាគារប្រណីតដ៏ពេញនិយមរបស់កូរ៉េខាងត្បូង។ ទ្រព្យសម្បត្តិសុទ្ធរបស់មហាសេដ្ឋីស្រីរូបនេះមានចំនួន ១,៦ ពាន់លានដុល្លារអាមេរិក។

២. Gang Dong-won

អ្នកដែលជាហ្វេនរបស់ K Dramma ប្រហែលជាស្គាល់ Gang Dong-won នៅក្នុងខ្សែភាពយន្តមិនខាន។ ឪពុករបស់លោកគឺជាអ្នកជំនួញដ៏ពូកែក្នុងប្រទេសកូរ៉េ។ បច្ចុប្បន្នជាអនុប្រធានក្រុមហ៊ុន SPP Heavy Industries ដែលជាអង្គការកសាងនាវាធំជាងគេបំផុតនៅលើពិភពលោក។

៣. Siwon Choi

ក្នុងនាមជាសមាជិកម្នាក់នៃក្រុម Super Junior គ្រប់គ្នាប្រាកដជាស្គាល់ច្បាស់ Siwon Choi មិនខានទេ។ ឪពុករបស់តារាចម្រៀងរូបសង្ហានេះ គឺជាអតីតនាយកប្រតិបត្តិនៃក្រុមហ៊ុនឱសថ Boryung Medience ចំណែកម្ដាយរបស់លោកគឺជាម្ចាស់យីហោខោក្នុងដែលទទួលបានជោគជ័យ។

ទោះបីមានគ្រួសារជាអ្នកមានក៏ Siwon មិនមែនពឹងលើឪពុកម្ដាយក្នុងការចំណាយឡើយ។ លោកចូលចិត្តធ្វើការងារសង្គម តាមរយៈតួនាទីជាឯកអគ្គរដ្ឋទូតប្រចាំតំបន់សម្រាប់ យូនីសេហ្វ អាស៊ីបូព៌ា និងប៉ាស៊ីហ្វិក។

៤. Suh Min-jung

Suh Min-jung គឺជាកូនស្រីច្បងរបស់ Suh Kyung-bae ដែលជាមហាសេដ្ឋីនៅពីក្រោយសាជីវកម្មក្រុមហ៊ុនគ្រឿងសំអាង AmorePacific និងជាចៅស្រីរបស់ Shin Choon-ho ប្រធានក្រុមហ៊ុនអាហារនិងភេសជ្ជៈ ឯកទេសក្រុមហ៊ុន Nongshim Group ។

និស្សិតបញ្ចប់ការសិក្សានៅសាកលវិទ្យាល័យ Cornell នេះ បច្ចុប្បន្នកាន់កាប់ភាគហ៊ុនធំគ្រឿងសំអាងធំជាងគេលំដាប់ទី ២ របស់ Etude House និង Innisfree ដែលគ្រប់គ្រងដោយ AmorePacific ។

៥. Yoon Tae-young

ប្រវត្តិដ៏គួរឲ្យចាប់អារម្មណ៍របស់តារាសំដែង K-drama ម្នាក់ទៀត គឺលោក Yoon Tae-young ដែលមានតួនាទីនៅក្នុងខ្សែភាពយន្តល្បីៗ និងកម្មវិធីទូរទស្សន៍ដូចជា Mr Socrates វីរបុរសក្នុងតំបន់និង កម្មវិធី Diary ជាដើម។

ប៉ុន្តែមិនមានមនុស្សច្រើនទេដែលដឹងថា Yoon Tae-young ក៏មានទំនាក់ទំនងជាមួយក្រុមហ៊ុន Samsung ហើយលោកគឺជាកូនប្រុសរបស់លោក Yun Jong-yong ដែលពីមុនធ្លាប់ធ្វើជាអនុប្រធានក្រុមហ៊ុន Samsung ពីមុន ៕

ប្រែសម្រួល៖ សាង ស្រីល័ក្ខ

ប្រភព៖scmp

ចុចអាន៖ជីវិតពិត Angelina Jolie ក្លាយជាមាតាសប្បុរសក៏ព្រោះប្រទេសកម្ពុជា

ចុចអាន៖WARREN BUFFETT ៖ ចូរទិញអ្វីយើងនឹងចំណេញ សូម្បីទីផ្សារត្រូវបានបិទដល់ទៅ១០ឆ្នាំ

Related Topics:សេដ្ឋី