ផាកពិន័យពលរដ្ឋ ៣ នាក់ ម្នាក់ ២០ ម៉ឺន ល្មើសវិធានការ​មិនពាក់ម៉ាស

ប្រជាពលរដ្ឋចំនួន ៣ នាក់ រស់នៅស្រុកអន្លង់វែង ខេត្តឧត្តរមានជ័យ នៅព្រឹកថ្ងៃទី ១៩ ខែសីហានេះ ត្រូវបានអាជ្ញាធរធ្វើការផាកពិន័យម្នាក់ៗ ចំនួន ២០ ម៉ឺនរៀល (២០០ ០០០) ដោយសារមិនពាក់ម៉ាស់ល្មើសនិងវិធានការរបស់អាជ្ញាធរ និងក្រសួងសុខាភិបាល។

កម្លាំងចម្រុះដឹកនាំដោយលោក ងួន លីន នាយករដ្ឋបាលសាលាស្រុកអន្លង់វែង បានចុះល្បាត ត្រួតពិនិត្យ បន្ថែមដល់ប្រជាពលរដ្ឋ និងអាជីវករលក់ដូរក្នុងផ្សារ មានផ្សារថ្មី អន្លង់វែង ផ្សារអូរជីក និងផ្សាររង្វង់មូលស្រុកអន្លង់វែង ដើម្បីផាកពិន័យអន្តរកាលទៅលើប្រជាពលរដ្ឋណាដែលល្មើសមិនគោរពតាមការណែនាំរបស់អាជ្ញាធរ និងវិធានការរបស់ក្រសួងសុខាភិបាល។

ប្រជាជាពលរដ្ឋដែលមិនបានពាក់ម៉ាស់ចំនួន០៣នាក់ក្នុង០១នាក់២០០០០០រៀលទុករយះពេលចំនួន៣០​ថ្ងៃយកប្រាក់ទៅបង់នៅច្រកចេញចូលតែមួយសាលាស្រុកអន្លង់វែង។

បុរសទាំង ៣ នាក់ រួមាន ឈ្មោះ អិល អាយុ ៣២ ឆ្នាំ ឈ្មោះ តេមប៊ុន ឈីង អាយុ ២២ ឆ្នាំ ឈ្មោះ សន កំហាក់ អាយុ ២៣ ឆ្នាំ ទាំង ៣ នាក់រស់នៅស្រុកអន្លង់វែង ខេត្តឧត្តរមានជ័យ៕

ដោយ:ចាន់ ធី