ជីវិតកម្សាន្ដ

ឱក សុគន្ធកញ្ញា ផ្ដល់ជំនួយដល់គ្រួសារជនពិការរស់នៅតំបន់ដាច់ស្រយាលក្នុងថ្ងៃខួបកំណើត

បានផុស

៥ years មុន

នៅ

ថ្ងៃចន្ទ ២០ កញ្ញា ២០២១

ដោយ

តារាចម្រៀងលំដាប់កំពូលអ្នកនាង ឱក សុគន្ធកញ្ញា បាននាំយកអំណោយមួយចំនួនធំទៅជួយដក់គ្រួសារមួយដែលរស់នៅតំបន់ជនបទដាច់ស្រយាលជួបការលំបាកនិងខ្វះខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការនាំយកអំណោយនេះធ្វើឡើងស្របពេលនៃឱកាសថ្ងៃខួបកំណើតគម្រប់អាយុ៣៤ឆ្នាំរបស់តារាចមៀងអ្នកនាង ឱក សុគន្ធកញ្ញា កាលពីថ្មីៗកន្លងទៅនេះ។ ដោយឡែកបើតាមការបញ្ជាក់ពីក្រុមការងារ ឱក សុគន្ធកញ្ញា បានឲ្យដឹងថា អំណោយសប្បុរសធម៌នេះធ្វើឡើងតាមរយ:អង្គការនិងជនបង្គោលដើម្បីជួយដល់ពលរដ្ឋខ្វះខារ១គ្រួសារដែលមានទីលំនៅតំបន់ជនបទដាច់ស្រយាលក្នុងភូមិកោះខែ្មរ ឃុំអូរតៀង ស្រុកសំបូរខេត្តក្រចេះ(ដែលលោកពូជាមេគ្រួសារមានពិការភាព)។

អំណោយដែលតារាចម្រៀង ឱក សុគន្ធកញ្ញារួមមាន បង្គន់អនាម័យចំនួន១ ,អាងស្តុបទឹក១, កង់៤គ្រឿង (ត្បិតស្ថិតក្នុងជីវភាពលំបាកតែកូនៗទាំងអស់របស់គាត់នៅតែបន្តការសិក្សារនៅសាលាចម្ងាយ៧ ទៅ៨ គីឡូ ហើយកូនរបស់គាត់ត្រូវចំណាយពេលដើរទៅសាលាជារៀងរាល់ថ្ងៃ)។ ទូក/មង( សម្រាប់គាត់ប្រកបរបររកស៊ីចិញ្ចឹមជីវិតប្រចាំថ្ងៃ), សូឡា១គ្រឿងនិងអាគុយ១(ផ្ទះគាត់ពុំមានអគ្គិសនីប្រើប្រាស់ទេហើយកូនៗរៀនត្រូវអុជទៀន ដើម្បីសិក្សា) ព្រមទាំងគ្រឿងឧបភោគបរិភោគ និងសម្ភារ:ផ្សេងៗទៀតរួមទាំងជួសជុលផ្ទះផងដែរ។

ក្រុមការងារខាងលើបន្តថា ដំណើរការProjectលើកនេះមានការយីតយ៉ាវដោយសារទីតាំងផ្ទះរបស់គ្រួសារគាត់នៅដាច់ស្រយាលទើបក្រុមសាងសង់ត្រូវប្រើគោយន្តក្នុងការដឹកជញ្ជូនសម្ភារ:ផ្លូវលំបាកបូករួមទាំងអាកាសធាតុផងដែរ។ យ៉ាងណាដំណើរការក៏បានបញ្ចប់ទៅដោយរលូន។

យើងទាំងអស់គ្នាជាអ្នកគាំទ្ររីករាយនិងមានសេចក្តីសុខទោះជាពេលនេះស្ថិតក្នុងការរីករាលដាល Covid-19យ៉ាងណាក្តី ក៏យើងទាំងអស់គ្នាអាចបានធ្វើបុណ្យរួមគ្នាដើម្បីសម្រាលទុក្ខលំបាកដល់គ្រួសារមួយនេះ៕

អត្ថបទ៖ ចាន់រ៉ា