ព័ត៌មានជាតិ

អាវុធហត្ថបើកកិច្ចប្រជុំត្រៀមអនុវត្តភារកិច្ចតាមបទបញ្ជានាយឧត្ដមសេនីយ៍ សៅ សុខា ពិសេសធានាបានល្អនាភ្ជុំបិណ្ឌនេះ

បានផុស

៥ years មុន

នៅ

ថ្ងៃព្រហស្បតិ៍ ៧ តុលា ២០២១

ដោយ

លោកឧត្ដមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ កាលពីល្ងាចថ្ងៃទី ០៦ ខែតុលា ឆ្នាំ ២០២១ បានដឹកនាំកិច្ចប្រជុំ ត្រៀមអនុវត្ត ភារកិច្ច តាមបទបញ្ជា លោកនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ដោយមានការចូលរួមពី លោកមេបញ្ជាការរង នាយសេនាធិការរង ប្រធាន-អនុប្រធានមន្ទីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ឯក រ័ត្ន ស្រ៊ាង ក៏បានមានប្រសាសន៍ណែនាំបន្ថែមនូវការពង្រឹងការងារ ការពារសន្តិសុខ សណ្ដាប់ធ្នាប់ ជូនដល់ប្រជាពលរដ្ឋ និងចូលរួមប្រឆាំងទប់ស្កាត់ការរីករាលដាល នៃជំងឺកូវីដ-១៩ ដោយអនុវត្តឲ្យបានខ្ជាប់ខ្ជួននូវវិធានការ ៣ ការពារ ៣ កុំ របស់ប្រមុខរាជរដ្ឋាភិបាល និងសេចក្តីណែនាំផ្សេងៗរបស់ក្រសួងសុខាភិបាល។ អាវុធហត្ថទទួលខុសត្រូវ រក្សា ការពារ សន្តិសុខ សណ្ដាប់ធ្នាប់ នៅគោលដៅព្យាបាលកូវីដ-១៩ ស្តាតអូឡាំពិក និងការពារពិធីបុណ្យភ្ជុំបិណ្ឌឆ្នាំនេះល្អប្រសើរដូចឆ្នាំមុនៗផង។

លោកឧត្ដមសេនីយ៍ បន្តថា ក្នុងការអនុវត្តតួនាទីភារកិច្ចរបស់ខ្លួន អាវុធហត្ថរាជធានីភ្នំពេញ តែងឈរលើគោលការណ៍គោរពច្បាប់ គោរពវិន័យ គោរពសិទ្ធិមនុស្ស ប្រកបដោយក្រមសីលធម៌វិជ្ជាជីវៈ តាមការតម្រង់ទិសរបស់កងរាជអាវុធហត្ថលើផ្ទៃប្រទេស ជាពិសេសតែងតែចងចាំ និងអនុវត្តខ្ជាប់ខ្ជួននូវទិសស្លោករបស់លោកនាយឧត្ដមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស គឺ ទី១-ចំពោះប្រទេសជាតិ ត្រូវតែការពារ។ ទី២-ចំពោះប្រជារាស្ត្រ ត្រូវតែបម្រើ។ ទី៣-ច្បាប់ត្រូវតែគោរព។ ទី៤-បទល្មើស ត្រូវតែបង្ក្រាបជាប់ជាប្រចាំ៕

អត្ថបទ ៖ វិមាន