ព័ត៌មានអន្ដរជាតិ
ទីក្រុង តូក្យូ ជួបការរញ្ជួយដីខ្លាំងបំផុត ចាប់តាំងពីមហាគ្រោះមហន្តរាយឆ្នាំ ២០១១ (វីដេអូ)
ទីក្រុងតូក្យូនិងខេត្តនៅជុំវិញ ត្រូវរង្គើ ដោយការរញ្ជួយដីដ៏ខ្លាំងកាលពីយប់ថ្ងៃព្រហស្បតិ៍ ដែលបណ្តាលឲ្យមនុស្សជាង ២០ នាក់រងរបួស។
វាជាការរញ្ជួយដីខ្លាំងបំផុត នៅតំបន់កណ្តាលរាជធានី ចាប់តាំងពីមហាគ្រោះមហន្តរាយរញ្ជួយដីដែលគេឲ្យឈ្មោះថា Great East Japan Earthquake Disaster ក្នុងឆ្នាំ២០១១។
ពីដំបូង ការរញ្ជួយនេះ ត្រូវបានគេវាស់ថាមានកម្រិត ៦.១ រ៉ិចទ័រ ប៉ុន្តែក្រោយមកត្រូវបាន ទីភ្នាក់ងារឧតុនិយម បន្ទាបមកនៅត្រឹម ៥.៩រ៉ិចទ័រវិញ។
ស្របពេលជាមួយគ្នានោះដែរ ទីភ្នាក់ងារនេះបានព្រមានថា ការរញ្ជួយដីដែលមានកម្លាំងប្រហាក់ប្រហែលគ្នានេះ អាចនឹងកើតឡើងក្នុងរយៈពេលមួយសប្តាហ៍ទៀត។
ពេលវេលាចុងក្រោយដែលការរញ្ជួយដីមានកម្លាំងខ្លាំងក្លា វាយប្រហារទីក្រុងតូក្យូ គឺនៅថ្ងៃទី ១១ ខែមីនាឆ្នាំ ២០១១ នៅពេលការរញ្ជួយដីកម្រិត ៩.០ រ៉ិចទ័រ វាយប្រហារប្រទេសជប៉ុន។
ការរញ្ជួយដីថ្មីបំផុតនេះ បានកើតឡើងបន្ទាប់ពីលោកនាយករដ្ឋមន្រ្តី Fumio Kishida ចូលការិយាល័យនៅម៉ោងប្រហែល ១១ និង ២០ នាទីយប់ថ្ងៃព្រហស្បតិ៍។ លោកបានប្រាប់អ្នកយកព័ត៌មានថា លោកបានបញ្ជាឲ្យមន្រ្តី ជួយជនរងគ្រោះដោយសាររញ្ជួយដី និងទប់ស្កាត់ការខូចខាតបន្ថែមទៀត។
ទន្ទឹមនោះ អ្នកនាំពាក្យជាន់ខ្ពស់របស់រដ្ឋាភិបាល លោក Hirokazu Matsuno បានប្រាប់សន្និសីទសារព័ត៌មានថា មិនមានភាពមិនប្រក្រតីណាមួយ ត្រូវបានរាយការណ៍នៅឯរោងចក្រនុយក្លេអ៊ែរនោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ JP Times
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ