ព័ត៌មានជាតិ
យោធាថៃ ឃាត់ខ្លួនពលករខ្មែរ ៧នាក់ ដែលឆ្លងដែនខុសច្បាប់
ពលករខ្មែរចំនួន ៧នាក់ ដែលបានលួចឆ្លងដែនដោយខុសច្បាប់ ចូលទៅក្នុងទឹកដីថៃ ដើម្បីរកការងារធ្វើ ត្រូវបានកម្លាំងទាហានឈុតខ្មៅថៃឃាត់ខ្លួន ប្រគល់ឲ្យភាគីកម្ពុជាវិញ។ ការឃាត់ខ្លួន ដោយកម្លាំងទាហានកងរយលេខ ៥៤៦នេះ បានធ្វើឡើងនៅវេលាម៉ោង ៥ព្រឹក ថ្ងៃទី៨ ខែតុលា ឆ្នាំ២០២១ ត្រង់ចំណុចព្រៃឫស្សី ក្បែអូរព្រំដែនថៃ-កម្ពុជា ក្នុងភូមិសាស្ត្រ ស្រុកពោងណាំរ៉ន ខេត្តច័ន្ទបុរី។
យោងតាមការផ្សាយ របស់គេហទំព័រក្នុងស្រុកថៃ បានបញ្ជាក់ថា ពលករខ្មែរទាំង ៧នាក់ គឺមានស្រី ៣ នាក់ និងក្មេងតូចម្នាក់ផង ដែលពួកគេបានឆ្លងផុត ចូលទៅក្នុងទឹកដីថៃទៅហើយ ដើម្បីបន្តដំណើរទៅខេត្តផ្សេងៗទៀត ក្នុងទិសដៅរកការងារធ្វើ។
ក្រោយពេលឃាត់ខ្លួន យោធាថៃបានឲ្យមន្ត្រីសុខាភិបាល ស្រុកពោងណាំរ៉ន ចុះមកពិនិត្យសុខភាពពួកគេទាំងអស់គ្នាជាមុន ដើម្បីទប់ស្កាត់ការរីករាលដាលជំងឺកូវី-១៩ ចូលក្នុងសហគមន៍។
នៅថ្ងៃដដែលនោះដែរ ភាគីថៃបានទំនាក់ទំនងមកកាន់យោធាកម្ពុជា នៃការិយាល័យទំនាក់ទំនងព្រំដែនថៃ-កម្ពុជា និងកម្លាំងប៉ូលិសព្រំដែនកម្ពុជា ប្រចាំស្រុកកំរៀង ឲ្យចូលទៅទទួលយកពលករទាំងអស់ ត្រឡប់មកកម្ពុជាវិញ ដើម្បីអប់រំ ឬក៏ដើម្បីធ្វើចត្តាឡីស័កនៅទីនោះ៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ