ព័ត៌មានជាតិ
មេខ្យល់៣នាក់ នាំពលករឆ្លងដែនខុសច្បាប់ ត្រូវសមត្ថកិច្ចឃាត់ខ្លួន ក្នុងចំណោមពលករទាំង៨នាក់
សមត្ថកិច្ចបានឲ្យដឹងថា កិច្ចប្រតិបត្តិខាងលើនេះ ដោយមានការសហការរួមគ្នារវាងកម្លាំងវរសេនាតូចនគរបាលការពារព្រំដែនគោកលេខ៨១៧ ជាមួយកម្លាំងយោធាសឹករងស្រុកសំពៅលូនព្រមទាំងកម្លាំងវរសេនាតូចលេខ៥៣៣ផង។ ពលករខ្មែរ ដែលត្រូវធ្វើការឃាត់ខ្លួនសរុបចំនួន៨នាក់ ក្នុងនោះបានរកឃើញមេខ្យល់ចំនួន៣នាក់ ដែលល្មើសបាននាំមនុស្សឆ្លងដែនចូលទៅក្នុងប្រទេសថៃ ដោយផ្ទុយពីច្បាប់។
សមត្ថកិច្ចបានបញ្ជាក់បន្តថា ការបង្ក្រាបទប់ស្កាត់ករណីប្រុងនាំពលករខ្មែរឆ្លងដែនខុសច្បាប់ចូលក្នុងប្រទេសថៃនេះ ធ្វើឡើងនៅវេលារំលងអធ្រាតឈានចូលថ្ងៃទី១៥ ខែតុលា ឆ្នាំ២០២១នេះ ក្នុងភូមិសាស្ត្រភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។ ប្រភពខាងលើបន្ថែមបន្តថា មេខ្យល់ប្រុសស្រីទាំង៣នាក់រួមមាន ឈ្មោះ ធូ ធា ភេទប្រុស អាយុ២៥ឆ្នាំ មានទីលំនៅក្នុងភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង ចំណែក២នាក់ មានឈ្មោះ បូ វនភេទស្រី អាយុ៣៣ឆ្នាំ និងឈ្មោះ វឿន សុងវិ ភេទប្រុស អាយុ២០ឆ្នាំ ទាំង២នាក់រស់នៅភូមិជ្រៃ ឃុំបឹងបេង ស្រុកម៉ាឡៃ ខេត្តបន្ទាយមានជ័យ សមត្ថកិច្ចកំពុងបន្តនីតិវិធី។
ជាមួយគ្នានេះដែរ កម្លាំងបង្ក្រាបបានដកហូតបានវត្ថុតាង បានមួយចំនួនរួមមាន រថយន្ត០១គ្រឿងម៉ាកToyotaCamry ពណ៌ខ្មៅ ផលិតឆ្នាំ១៩៩០ពា ក់ស្លាកលេខង.៥៨៦៩ភព២រួមទាំង និងម៉ូតូចំនួន០២គ្រឿងទៀត ម៉ាកហុងឌ្រីមពណ៌ខ្មៅ ផលិតឆ្នាំ២០១៧ និងម៉ាកវេវពណ៌ក្រហមលាយខ្មៅផលិតឆ្នាំ២០១៨។ បន្ទាប់ពីបញ្ចប់ការសាកសួរកម្លាំងបង្ក្រាប បានប្រគល់ទាំងពលករទាំងមុខសញ្ញាមេខ្យល់ និងវត្ថុតាងទៅឲ្យកម្លាំងអធិការដ្ឋានស្រុកសំពៅលូន ដើម្បីចាត់ការបន្តតាមនីតិវិធី៕
អត្ថបទ៖ សៅ សារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»