ព័ត៌មានជាតិ
លោកជំទាវ ឱ វណ្ណឌីន៖ ការធ្វើតេស្តរកកូវីដលើអ្នកជំងឺឬអ្នកសង្ស័យចូលពេទ្យនៅបន្តធ្វើដដែល
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានមានប្រសាសន៍នៅរសៀលថ្ងៃទី២៥ ខែតុលានេះថា បើទោះបីជាក្រសួងសុខាភិបាលបានឈប់ការធ្វើតេស្តរកជំងឺកូវីដ១៩ ទៅលើសពជំងឺទូទៅក៏ដោយ ក៏ការធ្វើតេស្តរកកូវីដលើអ្នកជំងឺ ឬអ្នកសង្ស័យពេលចូលមន្ទីរពេទ្យនៅតែបន្តធ្វើដដែលទេ។
លោកជំទាវបានបន្តថា « កាលណាឈឺ ឫសង្ស័យចូលពេទ្យ ពេទ្យគេត្រូវពិនិត្យមើលតាមបច្ចេកទេសដោយការធ្វើតេស្តក៏ជាវិធីមួយសម្រាប់បញ្ជាក់ដែរ»។
បច្ចុប្បន្ននេះ អ្នកជំងឺ ឬប្រជាពលរដ្ឋទូទៅចូលទៅសម្រាកពេទ្យ ឬទៅពិនិត្យសុខភាព និងសួរសុខទុក្ខអ្នកជំងឺនៅតាមមន្ទីរពេទ្យរដ្ឋ ត្រូវយកសំណាកមុននឹងអនុញ្ញាតឱ្យចូលសម្រាកពេទ្យ ឬសួរសុខទុក្ខអ្នកជំងឺ។ចំណែកពេទ្យខ្លះ គាត់យកសំណាកតែទៅលើអ្នកជំងឺសម្រាកពេទ្យ និងអ្នកកំដរប៉ុណ្ណោះ។ ចំពោះអ្នកជំងឺដែលទៅពិនិត្យសុខភាពធម្មតាមិនយកសំណាកទេ។
យោងតាមគោលការណ៍ការស្តីពីការគ្រប់គ្រងសពអ្នកជំងឺទូទៅនៅតាមមន្ទីរពេទ្យ និងផ្ទះដែលចេញដោយក្រសួងសុខាភិបាលកាលពីយប់ថ្ងៃទី២១ ខែតុលាបានឱ្យដឹងថា ក្រសួងលែងតម្រូវឱ្យធ្វើតេស្តរកជំងឺកូវីដ១៩លើសពអ្នកជំងឺទូទៅហើយ ដោយសារតែការវ៉ាក់សាំងបង្ការជំងឺកូវីដ១៩ មានវិសាលភាពធំធេងក្នុងចំណោមចំនួនប្រជាជនសរុប១៦លាននាក់។ ប៉ុន្តែក្រុមគ្រួសារសពត្រូវអនុវត្តទៅតាមវិធានការរបស់ក្រសួងពិសេស៣កុំនិង៣ការពារហើយការប្រារព្វពិធីបុណ្យសពត្រូវធ្វើក្នុងរយៈពេលខ្លីបំផុត និងកំណត់មនុស្សចូលរួមប្រមាណ៣០នាក់ប៉ុណ្ណោះ៕
អត្ថបទ៖ សំអឿន
-
ព័ត៌មានជាតិ១៥ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៧ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៧ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី