ព័ត៌មានអន្ដរជាតិ

មេដឹកនាំបារាំង Macron ថា នាយករដ្ឋមន្ត្រីអូស្ត្រាលីកុហកលោករឿងនាវាចម្បាំង

បានផុស

៤ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

លោកប្រធានាធិបតីបារាំង Emmanuel Macron កាលពីថ្ងៃអាទិត្យ ទី៣១ ខែតុលាបាននិយាយថា នាយករដ្ឋមន្ត្រីអូស្ត្រាលីបានកុហកលោកទាំងស្រុងជុំវិញការកិច្ចព្រមព្រៀងនាវាមុជទឹកចម្បាំងដែលលុបចោលធ្វើឲ្យវិបត្តិការទូតកាន់ស៊ីជម្រៅ។

លោក Macron បានឆ្លើយតបនៅពេលអ្នកកាសែតអូស្ត្រាលីសួរពីលោក Scott Morrison មិនស្មោះត្រង់ក្នុងការទំនាក់ទំនងឯកជនភាពថា ៖«ខ្ញុំមិនគិតអីចឹងទេ។ ខ្ញុំដឹង»។

មេដឹកនាំប្រទេសទាំងពីរបានចូលរួមកិច្ចប្រជុំកំពូលបណ្តាប្រទេសអ្នកមាន G20 នៅទីក្រុងរ៉ូម ប្រទេសអ៉ីតាលីកាលពីចុងសប្តាហ៍កន្លងទៅនេះ និងបន្តចូលរួមកិច្ចប្រជុំអាកាសធាតុដ៏ធំដែលរៀបចំដោយអង្គការសហប្រជាជាតិក្នុងសប្តាហ៍នេះទៀត ប៉ុន្តែជម្លោះជាច្រើនសប្តាហ៍កន្លងមកនៅតែជាស្រមោលអន្ទោលតាមប្រាណពួកគេ។

កាលពីខែកញ្ញា លោកនាយករដ្ឋមន្ត្រីអូស្ត្រាលី Scott Morrison ដោយមិនមែនជាការព្រមានពីការលុបចោលកិច្ចព្រមទឹកប្រាក់រាប់ពាន់លានដុល្លាររយៈពេលមួយទសវត្សរ៍ជាមួយប្រទេសបារាំងដើម្បីកសាងសមត្ថភាពនាវាមុជទឹកចម្បាំង។

ជាមួយគ្នានោះ មេដឹកនាំអូស្ត្រាលីបានបង្ហាញថា លោកបានកំពុងពិភាក្សាជាសម្ងាត់ដើម្បីទទួលបាននាវាមុជទឹកចម្បាំងកម្លាំងថាមពលនុយក្លេអ៊ែរអាមេរិក ឬចក្រភពអង់គ្លេស។

ដោយខឹងខ្លាំងពេក រដ្ឋបាលទីក្រុងបារីសបានថ្កោលទោសចំពោះការសម្រេចចិត្តនោះថាជាការលួចចាក់ពីក្រោយខ្នង និងបានកោះហៅឯកអគ្គរដ្ឋទូតរបស់ខ្លួនឲ្យត្រឡប់ទៅប្រទេសវិញដែលឥឡូវនេះវិលត្រឡប់ទៅធ្វើការវិញហើយ។

អ្នកសារព័ត៌មានអូស្ត្រាលីបានសួរលោក Macron នៅក្រៅកិច្ចប្រជុំ G20 ថាតើលោកគិតថា មេដឹកនាំអូស្ត្រាលីបាននិយាយមិនពិតក្នុងពេលជួបប្រជុំឯកជន។

លោកប្រធានាធិបតីបារាំងបានបន្សល់ទុកនូវការសង្ស័យបន្តិចបន្តូចពីទស្សនៈរបស់លោក ដោយផ្តោតសំខាន់លើតម្រូវការនៃការគោរពគ្នាទៅវិញទៅមក។ លោកមានប្រសាសន៍ថា ៖«អ្នកត្រូវមានឥរិយាបថស្របទៅនឹងតម្លៃនេះ»។

លោក Macron បានដើរកាត់ផ្លូវជាមួយលោក Morrison នៅកិច្ចប្រជុំកំពូល G20 និងបាននិយាយទូរសព្ទកាលពីដើមសប្តាហ៍កន្លងទៅនេះថា «ទំនាក់ទំនងនៃការជឿជាក់ត្រូវបានបំបែករវាងបារាំង និងអូស្ត្រាលី»។

នាយករដ្ឋមន្ត្រីអូស្ត្រាលី លោក Scott Morrison

មេដឹកនាំទាំងពីរមិនបានអង្គុយចរចាផ្លូវការនៅឡើយទេរហូតដល់ពេលនេះ បើទោះជាឯកអគ្គរដ្ឋទូតបារាំងគ្រោងជួបរដ្ឋមន្ត្រីក្រសួងការបរទេសអូស្ត្រាលីនៅថ្ងៃចន្ទនេះនៅទីក្រុងស៊ីដនី។

នៅទីក្រុងរ៉ូម មេដឹកនាំបារាំងទំនងជាធ្វើឲ្យមានការរីកចម្រើនច្រើនក្នុងការបញ្ជាក់ដល់សាធារណៈជាមួយលោកប្រធានាធិបតីអាមេរិក ចូ បៃដិន។

កាលពីថ្ងៃសុក្រ លោក បៃដិន បានទទួលស្គាល់ចំពោះសមភាគីបារាំងថា ទីក្រុងវ៉ាស៊ីនតោនបានច្របូកច្របល់នៅក្នុងវិធីដែលខ្លួនដោះស្រាយ និងបាននិយាយថា ៖«យើងគ្មានសម្ព័ន្ធមិត្តល្អជាងបារាំងទេ»៕

ប្រែសម្រួល៖ វីរបុត្រ
ប្រភព៖ AFP