ព័ត៌មានអន្ដរជាតិ
WHO ទទួលស្គាល់វ៉ាក់សាំងក្នុងស្រុកឥណ្ឌា Covaxin ផ្លូវការហើយ
អង្គការសុខភាពពិភពលោក (WHO) កាលពីថ្ងៃពុធបាននិយាយថា ខ្លួនបានអនុម័តវ៉ាក់សាំងបង្ការកូវីដ-១៩របស់ក្រុមហ៊ុនឥណ្ឌា Bharat Biotech សម្រាប់ការប្រើប្រាស់បន្ទាន់ហើយដែលនេះជាការត្រួយត្រាយផ្លូវសម្រាប់វ៉ាក់សាំងឥណ្ឌាត្រូវបានទទួលយកជាវ៉ាក់សាំងមានសុពភាពសម្រាប់ការប្រើប្រាស់នៅក្នុងប្រទេសផ្សេងៗ។
ការចុះបញ្ជីប្រើប្រាស់បន្ទាន់នឹងអនុញ្ញាតឲ្យក្រុមហ៊ុន Bharat Biotech នាំចេញវ៉ាក់សាំងដែលគេស្គាល់ Covaxinទៅកាន់ប្រទេសផ្សេងៗដោយគោរពតាមសេចក្តីណែនាំរបស់ WHO សម្រាប់ការអនុម័ត។ វាក៏អាចជួយប្រជាជនឥណ្ឌារាប់លាននាក់ដែលបានចាក់វ៉ាក់សាំងដើម្បីធ្វើដំណើរទៅក្រៅប្រទេសផងដែរ។
WHO បានឲ្យដឹងថា ក្រុមទីប្រឹក្សាបច្ចេកទេសរបស់ខ្លួនបានសម្រេចថា វ៉ាក់សាំង Covaxin មានអត្ថប្រយោជន៍ច្រើនលើសលប់ជាងហានិភ័យ និងថា វ៉ាក់សាំងនេះត្រូវតាមកម្រិតស្តង់ដាររបស់ WHO ដើម្បីការពារប្រឆាំងជំងឺកូវីដ-១៩។
ក្រុមទីប្រឹក្សាត្រូវបានគេគិតថា បានធ្វើការសម្រេចចិត្តលើវ៉ាក់សាំង Covaxin កាលពីសប្តាហ៍មុន ប៉ុន្តែបានស្នើសុំការបំភ្លឺបន្ថែមទៀតពីក្រុមហ៊ុន Bharat Biotech មុនពេលធ្វើការវាយតម្លៃលើអត្ថប្រយោជន៍ និងហានិភ័យចុងក្រោយសម្រាប់ការប្រើប្រាស់ជាសកល។
Covaxin ក៏ទទួលបានការត្រួតពិនិត្យដោយក្រុមទីប្រឹក្សាយុទ្ធសាស្ត្រនៃអ្នកជំនាញថ្នាំបង្ការរបស់អង្គការសុខភាពពិភពលោកដែលបានផ្តល់អនុសាសន៍ឲ្យចាក់២ដូសចន្លោះពីដូសទី១ទៅដូសទី២រយៈពេល៤សប្តាហ៍សម្រាប់មនុស្សអាយុ១៨ឆ្នាំឡើង។
Covaxin បានក្លាយជាវ៉ាក់សាំងទី៧ដែលត្រូវបានទទួលស្គាល់ជាផ្លូវការពី WHO បន្ទាប់ពីវ៉ា់ក់សាំង Pfizer, Moderna, AstraZeneca, Johnson & Johnson, Sinovac និង Sinopharm។
ការអនុម័របស់ WHO បញ្ជាក់ឲ្យឃើញច្បាស់ពីប្រទេសឥណ្ឌាដែលបានប្តេជ្ញាចិត្តក្នុងការផ្គត់ផ្គង់ទៅគម្រោង COVAX សម្រាប់ការចែកចាយវ៉ាក់សាំងជាសកលដែលសហដឹកនាំដោយ WHO និងមានគោលដៅផ្តល់វ៉ាក់សាំងឲ្យបានស្មើគ្នាទៅប្រទេសដែលមានចំណូលទាប និងមធ្យម៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន