ព័ត៌មានជាតិ
ត្រីទឹកសាប ៣ ប្រភេទ មានតែនៅខេត្តស្ទឹងត្រែង ជាត្រីងាយរងគ្រោះ និងជិតផុតពូជ
ត្រីទឹកសាប ៣ ប្រភេទ ជាប្រភេទត្រីកម្រមាននៅ ខេត្តស្ទឹងត្រែង ត្រូវបានប្រជានេសាទថា មានការថយចុះ ពីមួយឆ្នាំទៅមួយឆ្នាំ អាចនឹងឈានទៅរកការផុតពូជ ប្រសិនបើមន្ត្រីជំនាញ មិនបានទប់ស្កាត់ទាន់ពេលវេលា។
ត្រីទឹកសាបទាំងបីប្រភេទ មានតែនៅខេត្តស្ទឹងត្រែង រួមមាន ត្រីប៉ាសេអ៊ី ត្រីប៉ាវ៉ាមុខពីរ ត្រីប៉ាវ៉ាមុខមួយ ត្រីទាំងបីប្រភេទនេះជាប្រភេទត្រីកម្រ ហើយក៏ជាមុខសញ្ញាគោលដៅ អ្នកនេសាទតាមប្រមាញ់ ព្រោះវាមានតម្លៃខ្ពស់។
លោក ណុច សុផល ជាអ្នកនេសាទបាននិយាយថា នៅរដូវធ្លាក់ខ្យល់លំហើយនេះ ជារដូវត្រីទាំងបីប្រភេទ ចេញពីទន្លេមេគង្គលើចុះមកក្រោម ហើយលោកបានធ្វើការនេសាទជាលក្ខណៈគ្រួសារ ទៅតាមជំនាញជលផលបានកំណត់ តែឆ្នាំនេះត្រីទាំងបីប្រភេទនេះមានការថយចុះច្រើនជាងឆ្នាំកន្លងទៅ ពីមួយឆ្នាំទៅ មួយឆ្នាំមានការថយចុះរហូត។
លោកសុផលបានបន្តទៀតថា មិនថាទាំងត្រីបីប្រភេទនោះទេ ប្រភេទត្រីផ្សេងទៀតក៏មានការថយចុះដែរ តែវានៅសម្បូរជាងត្រីទាំងបីប្រភេទនេះ ហើយមានតម្លៃទាបជាងត្រីប៉ាសេអ៊ីប៉ាវ៉ាមុខមួយ ប៉ាវ៉ាមុខពីរ បើត្រីធម្មតាមានតម្លៃត្រឹមតែ ២៥ ០០០ រៀល ទៅ ៥០ ០០០ រៀលក្នុងមួគីឡូ។
រីឯត្រីដ៏កម្រទាំងបីប្រភេទនេះវិញ មានតម្លៃខ្ពស់កប់ពពក ដែលអ្នកគ្មានធនធានមិនអាចស្គាល់រសជាតិត្រីនេះបានឡើយ។
លោកស្រី ស៊ី នួនជាអ្នកលក់ត្រីតាមបណ្ដាញសង្គមហ្វេសប៊ុក បាននិយាយថា ប្រភេទត្រីប៉ាសេអ៊ីប៉ាវ៉ាមិនសូវមានលក់នៅលើទីផ្សារនោះទេ ព្រោះវាមានតម្លៃខ្ពស់ ត្រូវបានគេប្រមូលទិញបានតិចតួចលក់តាមប្រព័ន្ធអនឡាញ ផ្ញើទៅតាមបណ្ដាលរាជធានីខេត្តនានាតាមតម្រូវការអ្នកបញ្ជាទិញ។
លោកស្រីបន្តថា ប្រភេទត្រីប៉ាសេអ៊ីចាប់ពី ១ គីឡូដល់ ១ គីឡូកន្លះមានតម្លៃ ២០ម៉ឺនរៀល ចាប់ពី១គីឡូកន្លះដល់ពីរគីឡូតម្លៃ ២៥ ម៉ឺនរៀល ចាប់ពី២គីឡូកន្លះដ តម្លៃ ៣០ ម៉ឺនរៀលក្នុងមួយគីឡូ។
ចំណែកត្រីប៉ាវ៉ាមុខពីរវិញ ចាប់ពីមួយគីឡូ ដល់មួយគីឡូកន្លះតម្លៃ ១២ច ម៉ឺនរៀលចាប់មួយគីឡូកន្លះដល់ពីរគីឡូ ២០ ម៉ឺនរៀល និងចាប់ពី ២ គីឡូដល់ ២ គីឡូកន្លះតម្លៃ ២៥ ម៉ឺនរៀល។ រីឯត្រីប៉ាវ៉ាមុខមួយវិញចាប់១ គីឡូដល់១គីឡូកន្លះ ៨០ ០០០ រៀលចាប់ពី ១ គីឡូ កន្លះដល់២ គីឡូ ១២០ ០០០ រៀលចាប់ពីរ២ គីឡូដល់ ២ គីឡូកន្លះ ១៨០ ០០០ រៀលក្នុងមួយគីឡូក្រាម។
ត្រីកម្រទាំងបីប្រភេទនេះត្រូវបានអ្នកនេសាទនិយាយថា មានពីររដូវ មួយមាននៅរដូវ ភ្លៀង ធ្លាក់ ដំបូង និងរដូវលម្ហើយចាប់ពីខែវិច្ឆិកាដល់ខែមករា ពពួកត្រីទាំងនេះវារស់ នៅ អន្លង់ជ្រៅ ៗតាមដងទន្លេមេគង្គលើសុទ្ធសឹងជាត្រីមេពូជធំៗ ពេលដល់រដូវវាចុះមកតាមដងទន្លេផ្នែកខាងក្រោមត្រូវបាន អ្នកនេសាទរកជាលក្ខណៈគ្រួសារតាមជំនាញជលផលកំណត់តែ អ្នកនេសាទមួយចំនួនទៀតមិនគោរពតាមច្បាប់ជលផលដោយប្រើឧបករណ៍នេសាទខុសច្បាប់ទើបធ្វើឲ្យត្រីដ៏កម្រនេះមានការថយចុះជារៀងរាល់ឆ្នាំ។
ទាក់ទងនឹងករណីខាងលើនេះលោក សំ វិចិត្រ នាយខណ្ឌរដ្ឋបាលជលផលស្ទឹងត្រែងបានបញ្ជាក់ថា មានកត្តាពីរដែលធ្វើឱ្យធនធានមច្ឆាជាតិថយចុះ មួយកត្តាមនុស្ស និងទីពីមកពីកត្តាធម្មជាតិ ឯកតាទីមួយនោះ មកពីអ្នកនេសាទមិនគោរពទៅតាមច្បាប់ជលផល ដោយប្រើឧបករណ៍នេសាទខុសច្បាប់នៅ តាមអន្លង់អភិរក្សត្រីមេពូជសំខាន់ៗ ធ្វើឲ្យត្រីទាំងនេះមានការថយចុះ។
លោកនាយខណ្ឌបានបញ្ជាក់បន្ថែមថា ឯកតាទីពីនោះ ក៏អាចមកពីកត្តាធម្មជាតិដែរទីមួយមានទំនប់វារីអគ្គិសនីនៅផ្នែកខាងលើប្រទេសឡាវ ធ្វើឱ្យទឹកខាងក្រោមមានទំហំតូចហើយម្យ៉ាងទៀត ប៉ុន្មានឆ្នាំចុងក្រោយនេះ ទឹកទន្លេឡើងចូលអូរបានបន្តិចហើយក៏ស្រក់ទៅវិញធ្វើឲ្យត្រីពងកូនមិនទាន់រអាក់រអួលក៏អាចមានការថយចុះដែរ៕
អត្ថបទ៖ ងិន លីម
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព